)()( عـــبَـــر )()( عن )()( شـعـوركـ )()(

[align=center]

يمه ... الغربة وفرقاك ملتمه

دمعة العين هذي ... مالها داعي


يابعد راسي انتي ليه مهتمه

الوجع لي سواة الناي للراعي


آخر أخباري ... الذمه هي الذمه

والوصايا هذيك تقدي شراعي


مابه الا السواد يحاود اليمه

ولا به الا البياض اللي ورا أضلاعي


وأشعل ما يفارق ليل حضن امه

وأخضر كل صبح من أول أتباعي


يتعب البرق ما أتعب النظر يمه

وانشديهن بعد ما قلت أطماعي


أنجبن لي عـــروسة حلم أضـــمه

أو بعد توها تشرب عطش قاعي


واذكري كيف كان العود ابو عمه

ايتعلى صهيله وأرخي أسماعي


امنياتي بــدرب ودي أتمــــه

آخره صعب .. وأصعب منه مرجاعي


يوم كلن فزع له خـاله وعـمه

يكفي اني وردت العد .. بذراعي


أرفع الراس بين الروس ما همه

وأتباهى وأنا الغرقان بأوجاعي


يمه.. الحر طبعه يعشق الـقمة

وأنتي اللي فطمتيني على أطباعي


الهواء دام راسي حي ويــشمه

والله اني لاسـوق هنـاك ذعـذاعي


غربة تلوي ذراع أشجع الخمه

لا تخافينها لو تقـلب أوضــاعي


يمكن تبعثر الرجـال وتـلمـه

بس !! بدري عليها تلوي ذراعي [/align]

اضحك وفلّ حجاجك اشفيك محزون

دنياك ماتسوى وخذها نصيحه..

مادام مالك ميت ولا انت مديون

ارم الهموم وخل نفسك مريحه..

لو كانوا اصحابك يضاهون مليون

نق الكفو منهم وخل السطيحه..


ولا تشتكي للناس لوكنت مطعون

والذم من بعض الخلايق مديحه..

ولا تنحني للهم وتعيش مغبون

ترا المريح اهل العقول الصحيحه..


لاصرت صادق قالوا الناس مجنون

مايمدحون الا النفوس القبيحه..

وخلك صمود بوجه الايام دندون

وما حرم الله اثم لا تستبيحه..

والكبر لو به فايده فاد فرعون

ومن ذاع سرّه بشّره بالفضيحه..

والله لو يعطون لك مال قارون

ماشفت نفسك بالغنى مستريحه..

انفض هموم القلب وابليس ملعون

وان ضاق صدرك ارض ربي فسيحه

[align=center]’
لا ماطلبت الحزن ياخذ بيدي
هو مد لي يمناه و أخجل أرده
يوم المشاعر وقفت صف ضدي
[ هو ] الوحيد الي حضني بيده
الي نصحني .. قال : [ أزمه تعدي ] ..!!
الدرب ضيق و أزمتي ما تقده ..!!
يا درب حظي .. للفرح ما تودي ..؟!
ولا الفرح يا حظ .. تقدر ترده ..؟!
محتاجة أكتب للعمر بيت وردي
غرقانه بليل الحبر ليّ مده ..!!
محتاجة أنفث للشبابيك بردي
و أخذ نفس تنبت به الروح ورده ..!!
محتاجة أصرخ بالسماء كاااان ودي
و يمطر علي من السماء ما أوده ..!!
محتاجه أحفر بالصخر كااااان عندي
حلمٍ كبير و ضيق الحال حده ..!!
وأخاف أصد وينطق الصخر ردي ..!!
" همّ البشر ما للصخر معه شده " ..!!
محتاجه و محتاجه وما بيدي ..!!
غير الحزن .. أضم يدي بيده ..!!
,’[/align]

يارفيق الدرب تكفى لا تضايق في زمانـك
ولا تهمّك هرجة الهافـي وطعنـات القفيـاّ
كل مابرقّت عالـي ما لمحـت الا مكانـك
ويش جاب اهل الثرى يامسندي عند الثريّا
ماعليك من الكلام ومعتلي قدرك وشانـك
ماينـزّل هامتـك هـذا ولا ضنـي هذيـاّ
اتضايق من يجيب اسمك ويشككّ في بطانك
وينفجر شريان دمي مثل تفجيـر المحيـاّ
لانّك كحيلان طيب ووقفتك تثبـت كيانـك
دون ربعك ياسليل المجـد تنخـى وتهيـاّ
كل ماضاقت عليّه ما أذكر اني قلـت وينـك