لاتفكر انك يابن الاجواد كامل=الكامل الله والاوادم بها نقص
ادمح خطا المخطين واصبر وجامل=وابليس لا يرقص على غاربك رقص
خلك على الطولات جازم وصامل=بالصاع كيل الطيب لاتبقصه بقص
الطيب مايبقص بروس الانامل=احرص على شيل اثقل الطيب واستقص
والنفس عودها لحسن التعامل=واشره على الازواد لاتقبل النقص
واحرص على كتم العلوم الهوامل=واصحى لهزلات السواليف تقتص
الحمل تبرك له جمال المحامل=تنهض اليامنه شقص فوقها شقص
ودرب الردى ياجاء عليك يتحامل=ارفع عصاء الطولات ثم اهقصه هقص
((((مشعل عسام التريباني)))) في 1443/4/3هـ