قصيدة بعنوان( إن النفس لأمارة بالسوء)

[poem=font="simplified arabic,6,white,bold,normal" bkcolor="darkred" bkimage="" border="double,4,orange" type=1 line=1 align=center use=sp num="1,burlywood""]
شكواي للي كل خلقه ترجوه = الواحد اللي جملة الناس ترجيه
الخالق اللي رد يوسف على أبـوه = كفت نضر عينيه عيّت تقـديه
وإخوان يوسف داخل البير خلوه = خلوه في جـبن طـوالن مـدالـيه
بأمر الولي ناسن من البدو نـجوه = يارب تجمع كل غــالي لغــاليه
تطلب جديدي والعوّض فيك ياهوه= انت العوض باللي غدتبه لياليه
إرحم رحمك الله تر البال مشـدوه = والقلب حـيرني بكثرت شـكاويه
سوء الضنون وراعي الغدر مسفوه = هذي غرائب تالي الوقت شوفيه
نفسي تراودني على كل مـكروه= وأقول يانفسي عليك الـمـشـاريه
ياالله عسى مايلحق النفس مشروه = اجحد وهمي داخل الصدر مخفيه
أخشى وأخاف أبقاء مع الناس مشبوه= أخفيـه أخاف أحكيـه والناس تحكيه
سـبيت حظن غيركم ناس سـبوه =حظي حصر شره على راس راعيه
الناس وإن سـمعو خبر شـر جابوه =والقلب ياأهل الخـير يكفيه مـافيه
لا والذي عن جاير الظلم نادوه = الصدق طبعي والوفا مؤمن فيه
ماأنسى سـمي البدر باالبدر سـموه = بدرن مصابيح الدجا ماتباهيـه
ينسـاني الله لو هــجـوسي تناسوه = سلس العسل بمبيسم ٍ قال لبيه
وأجحد غرامه عند الأنجاس لا أطـروه =واقول هذامن زمان متناسيه
يالغالية مالك بهرج ٍ تحاكوه = أكتم تناهيدي بصدر ٍ سكنتيه
شي ماهو سـنـه والأ نــذال سنوه= قالو كلام ٍمــا عرفنا مـعـانـيـه
الحب قالوا عيب والعيب حــبــوه =وهرج النميمه حللوه ومشو فـيــه
اللي ورب البيت مــاصــار سووه=صار وحصل غصبن على كيف راعـيه
الناس وإن سـمعوخـبرشـين زادوه = كذب ٍ وبهتان ٍ وزورٍ وتـشـويه
عنها حـدوني وأريش العين حــدوه =واللي حداني والي العرش يحـميـه[/poem]أخوكم وشاعركم / مبارك طناء مبيريك التبيناوي الشمري