بسم الله الرحمن الرحيم
شلون تبا تموت؟
وايد مواضيع نقراها عن اصابة العضو فلان او فلانه بمرض او حادث
ولا ننسى المواضيع اللي وصلت المواصيل فيها انهم يقولون ان العضو فلان مات او العضوه فلانه ماتت بعد
وللاسف مب صحيحه وهالكلام بعيد عن الحقيقه
وما نزلت هالمواضيع الا لاستجداء عطف وشفقة الاعضاء الاخرين
او البعض يفاول على نفسه عشان العضو فلان يقرا او العضوه فلانه تقرا
وكأن هالشئ وسيله عدله للاستخدام
والمشكله ان هالشغله سهله ووايد نقراها او نسمع عنها
انت بس قول لرفيجك اكتب موضوع ان صار لي هالشي وفي دقايق ينزل ؟؟
وتوصلنا اخبارها ونكتشف بعدين انها بس كذب في كذب
انا ما اقول هنيه ان كل المواضيع كذب في كذب
ولكن نسبة المواضيع الكاذبه صايره تزيد
اتذكر بمنتدى كنت مشاركه فيه نزلوا موضوع عن وفاة عضوه كانت نشيطه وايد
والردود شكثرها والكلام اللي انكتب فيها وايد
وبعد شهرين دشت المنتدى وقالت ان الخبر كذب وصار سوء فهم من صديقتها ؟
وانها تشكرهم على كلامهم لها ومشاعرهم الطيبه
اخواني وخواتي
شو نظرتكم للي يكذبون في هالامور وتكتشفونهم؟
وشو اللي يدفعهم انهم يكتبون هالمواضيع ويفاولون على انفسهم؟
موضوع حبيت اطرحه للمناقشه
وربي يحفظكم
اخوكم
بن عجلان
العرض الشجري
