09-27-2016, 12:58 AM
|
#1
|
بيانات اضافيه [
+
]
|
رقم العضوية : 21510
|
تاريخ التسجيل : Apr 2012
|
أخر زيارة : 06-28-2024 (08:30 AM)
|
المشاركات :
8,294 [
+
] |
التقييم :
33452
|
الدولهـ
|
الجنس ~
|
اوسمتي
|
|
لوني المفضل : Cadetblue
|
|
سجاير حنينه
مدخل
هالليل : لمّة عاشقين ، وأغاني
وآمآل ... ترقى للسما ... في سكينه
ووجه الطريق إيذمّ سُمر المباني
تاهت مع الظلمه ... خُطى عابرينه ؟
عمق
جيتك مواجع مع قصيد إمتناني
وارث .. مخاف الله .... من والدينه !
تعبث به إيدين الزمان : الأناني
وياما عتق في الثلث الآخر ... يدينه !
أذكر حنين أمي لِ صوت الأواني
ودلالنا : الصُفر / الصغار / الحزينه ،
ماكنها الا صُبح عيد .. وتهاني
شابت وطاح بتربة الصدر ... تينه !
قلت أعبر حدود الشقا / للأماني
وأقطف لها من بهجتي ... ياسمينه !
كنت الفقير .. المغتني بالمعاني
طفلٍ غرس في روض شكّه | يقينه !
هذا البلد : نورس حزين ومواني
فيه الغلابى ... يحتسون ... الغــبـينه !
ماقسى من إنك لجل عينه | تعاني
غير الغرق وأقصى طموحك ( سفينه )
يابن الغياب إللي يدكّ .. المحاني
كم قلت : برد الشوق ... ديني ودينه
عطني من سنين المحبه .. ثواني
البعد جوع ... وقوت صبري عجينه !
شفني حديث الناس قاصي وداني
شاعر : نسى يطفي ... سجاير حنينه !
قلبه دلو واضلاع صدره | سواني
وجروحه الما ... والنخل رمش عينه !
لو قيل جاني قول : من صار جاني
هي : سطوة الدنيا / رحيلك / سنينه ؟
بعدك وحيد وغصن بلواي .. داني
ضميان عطف ... وصدّة الغيم شينه !
طل الشتا ولاجيتني ... وطل ثاني
وانا اخفي اوراق الأمل في [ خزينه ] !
مخرج
لا الصبح قادر ياخذك لي عشاني
ولا الدرب لك : بستان قمحه وطينه
قلي : إذا مني [ برودك ] خذاني ..
كيف الدفى يطرق ... بيوت المدينه
لاأرواحكم النقيه
|
|
|