أنت الوحيد اللي من الناس حبيت

أشتقت لك يلي على البال مريت
وجلست أفكر فيك من غير لدري


حاولت أسلي خاطري عنك وأزريت
قلبي معك مشغول لو قلت مدري


أنت الوحيد اللي من الناس حبيت
وأنت الذي شوقك مع الدم يجري


تدري وش اللي حد قلبي وغنيت
ومن سبته ضيعت عزمي وصبري


أنك معي بالحب ماقط زليت
ودايم على رايي وظني وخبري


مهما كتبت أمن القصايد وسويت
ومهما طرالي في خيالي وفكري


ومهما بحبك بالمعاني تماديت
ماقدر أعبر ماطرالي بشعري


في خاطرك كلمه وأنا فيك حسيت
بقولها لك وأنت خابر وتدري


أعاهدك بلي رفع رايت البيت
ما خون حب عاش في وسط قلبي