الموت موت القلوب الوافيـه ..!!!

[ALIGN=CENTER][TABLE1="width:95%;background-color:gray;"][CELL="filter:;"][ALIGN=center]

البارحه والغيـاب أكْثـر بيـوت القصيـد
كان القلم , يطْرق أبواب الورق والكتابـه

الرّيح تطْفي الشّموع إللي بصـدري تقيـد
والضّيق يرخْي على نور النّوافـذ حجابـه

وحدي تدلّيت , من سقف الليالـي طريـد
والبرْد يضْفي على الأفكار حـزْن وكآبـه

هذا انت واغْيابك أقسى من ضياع الوليـد
رحْت وعطيت الفرَح , حجّه تبرر غيابـه

سلّمتني في يدين الخـوف , ذابـل وحيـد
وأقْفيت عن درْبيّ المسكون صمت ورتابه

لايبعدك عن طريق الشّـوق عـذْر البليـد
دام العذر , وقتك الجايـر أبنْفـض ترابـه

هذا أنا ما قتَلني السّيف لـو هـو حديـد
الموت موت القلوب الوافيـه , والمهابـه

تعال أبلْبس لـك ثْيـاب الكـلام السّعيـد
وأطْفي فتيل الحزنْ , وانْزع بقيـة ثيابـه

قلبي عذوق النّخل , هذي الضلوع الجريـد
إجن الرّطب , المس أطراف السّعف لاتهابه

إعزف حضورك على سود القوافي نشيـد
خلّ الوفا في مسانا مثْل لـون السّحابـه

اتمنى ان تنآل رضآ ذآئقتكم العذبه
لكل من سيمطر بمروره هنا
شكرا من الاعماق
لقلوبكم

,

[/ALIGN][/CELL][/TABLE1][/ALIGN]