الراس ماحد يقطعة غير ربــة*** اقول عز النفس ما اقولك هــــــــون

[align=center]لا صار خلك مستحق المســــبة*** سبة ترى العشاق غيرك يسبـــــون
لا ابوة لا ابو الحب من قلب سبة*** لا ابو الغرام اللي حدك على الهون
يااالعن ابو قلب غشم يحـــــــبة** ملعون والقلب اللي يغلية ملعـــــــــون
اقول من هباك يا خبل هـــــبة*** الدون ما يسلك معاهم سوى الدون
عز الجفاء ولا هون المحــــــبة ***مآخوذ من يصبر على الذل مغبــون
اظهر قواة البأس والضعف خبة***ترى الضعيف ضعيف لا طعم ولا لون
الراس ماحد يقطعة غير ربــة*** اقول عز النفس ما اقولك هــــــــون
خلة يولي لا يذلك بحـــــــــبة** ابعد وتلقاهم على البعد يدنــــــــــــون
ولو انك بترقد وبالعين شــبة*** ابرك من اللي يجرحونك ويسلــــــون
ياجاهل افهم خذ من العلم لُبة**** اصبر وتنسى والعذاري ينســـــون
الرجل عقلة دايم قبل قلــــــبة**ماهو عمى بالقلب ومفتح العيـــــــــون
لاقدم حبة تقدمت حــــــــــبة ** وان وخرو وخرت والعز مضمــــــــــون
ترى غلا هالوقت هبة وهبة*** اعنم هبوب الريح لا تقلب اسكـــــــون
لاساعدك حظك تغانم مهبة*****لا ترتهي يجيك يوم ويصــــــــــــدون
قبل يذبك ناب الارداف ذبة*****ترى حلاة الرجل طاعن ومطعـــــون
كم عاشق خلوة من غير سبة***حاط كف على كف مايدري اشلـــون
مالة جدي يا كود دمعة يكبة*** علية سف الهجر والصد مسنــــــــون
هذا من اول يوم لو دل دربة**** مادش في دنيا المجانين مجنــــون
لكن تبع قلبة وقلبة لعب بة**** واليوم يبغى عيون ما حصل العــون
روض فؤاد يا ابن الاجواد ربة*** البيض ما يصلح لهن كود فرعون
والا ضعيف النفس دايم مسبة***ودك مساكين البشر ما يحبــــــــون[/align]