........انا اذكر اني من الفرح فوق قمه
..................يومنًهاَ دنياَي ماتعرف هموم
عاميــن يـمـه للسهـر والـهواجيـس
عاميــن سهـــم الموت بين الحنايا
عاميــن يـمـه للـحبـر والقـراطيـس
عامين في صــدري علوم وخفايـا
غاب الفــرح في غيبتـك والموانيس
يمه إشــوف النـاس عقبــك ضحايـا
فـي غيبتـك ما انطفـت هـ الفوانيس
دنيــاي كـلــه. انطــفـــت ي غـلايـا
عقبك غديت إنساَن ميت أحاسيس
تركــت كـــل الـنــاس يـمــه ورايـا
دنيــا بدونــك ماعـلـيـهــا مـجاليـس
أمشـي وطالـع للسمــاء ي سمايا
وشلـي بـدنـيــا كـل آبوهـا كوابيـس
بكيت مـن دنـيـا الـحــزن ي شقايا
كـن الـفـرح تربه ويزرع مغاريـس
يسقـي كثيـــر الماء ولكـن ضمايا
هـذا مثـل لا قلـت ربعي سناعيـس
ولا ليـا مـن قلــت ربـعــي طـنـايـا
أبقـى وسـط دنيـاي مثل المحابيس
كني السجين اللـي عليـه القضايا
وابكــي ليـا قفًـيـت خلــف الكواليـس
وأنــا اتبـسَــم.. لـلأهــــل وصدقـايـا
ببقى على ضيق السهر والهواجيس
مــدام سهــم المــوت بـيــن الحنايـا
وببقى على حبـر القلـم والقراطيـس
اليـن مـاتـبـقــى.. عـلــوم وخفـايـا
............وعزي للي منحرم قول يمه
.................كنه من اسمك ي الفرح صار محروم
.................................. ي رب اغفر لها واسكنها الفردوس الاعلى برحمتك ي ارحم الراحمين