`~'*¤!||!¤*'~`((يارب صبرني على امـرك وبلـواك))`~'*¤!||!¤*'~`

[poem=font=",5,black,bold,italic" bkcolor="transparent" bkimage="http://www.b3b7.com/vb/mwaextraedit2/backgrounds/70.gif" border="outset,10,white" type=1 line=0 align=center use=ex num="0,black""]
يارب صبرني علـى امـرك وبلـواك=واجبر عزا من شاف ضيـم العزايـر
مثل الدريك اللي على حوض الادراك=يبكي ودمعه فـوق الاوجـان جايـر
ياعين هلـي ذارف الدمـع سفـاك=وابكي وهاتي مـا خفـا مـن عبايـر
ياعـيـن لاتبكـيـن هــذا ولاذاك=الا ولا فـرقـا الاهــل والعـشـايـر
ابكي على سمح النبا حسـن الاسـلاك=اللـي عليـه مغـوزر الدمـع فايـر
قلبي عليه مـن الولـع فيـه دكـاك=والحـال منـي خلـصـت بالحسـايـر
كني ربيط الروم فـي وسـط شيـاك=والا كسـيـر موجعـتـه الجـبـايـر
قدم العرب غادي بشـوش وضحـاك=والكبـد يصلاهـا لهيـب السعـايـر
يالله يـاوالـي تصـاريـف الافــلاك=يـا مطفـي نـار السنيـن العسـايـر
يامـن لعسـرات الشرابيـك فكـاك=رب السمـاء والـي جميـع البصايـر
سبـة عـزاي وصـار للـروح مـلاك=وارخصت لـه عمـري ومابالذخايـر
يازين روحي يااريش العين تفـداك=حيثك هواي وعن هوى الغير ذايـر
علـي نـذر ان ولــف الله لامــاك=لاارز رايــات الـفـرح والبشـايـر
واصــوم لله ماتـيـسـر لعـيـنـاك=وابنـي لحبـك بالضمـايـر منـايـر
يازين ياعذب اللمـا كيـف ابنسـاك=والحب سلطانـه علـى الحـال جايـر
يامـورد الخديـن مـحـلا سجـايـاك=ياسيـد لكـل المترفـات النضـايـر
يازين شفني مـن غرامـك وفرقـاك=كني علـى جـال مـن الجـم هايـر
ياابومحمـد يافتـى الجـود بنخـاك=يافرحـت المضيـوم يـوم الكسايـر
شف لـي طبيـب شاطـر لاعدمنـاك=كـوده يـداوي عـلـة بالضمـايـر
والا فنـا يامعـدن الجـود وايــاك=نركب علـى ثنتيـن عـوص حرايـر
يومين والثالث على الهـون ملفـاك=هجر منـازل مـن لـه القلـب طايـر
فالـى لفينـا ديـرة الـربـع ذولاك=فالوصـل يطفـي مالجـا مـن زفايـر
امسي وكنـي مالـك كـل الامـلاك=امـلاك سلطـان الهجـر والجـزايـر
فالـى لفينـا دافــع الله منـايـاك=مرخوص يامروي السيـوف الشطايـر
عند السياسـب لابـة مثـل شـرواك=الـكـل منـهـم يحتـمـل للخسـايـر
ياابـو محمـد عانـك الله وعـافـاك=واذراك ربي من حتـوف الدوايـر [/poem]
[glow=333333]وسلامتكمـ
للشاعر / حمد المغلوث رحمهـ اللهـ [/glow]