انكفت وانكفنا على سابق الخيل

السلام عليكم ورحمة الله وبركاته


كل وعام وانتم بخير والعيد عليييكم مبارك

واعاده الله علينا وعليييكم اعوااام عديده مديده

وانتم بصحة وعافيه وعلى جميع المسلمين

هذه سالفه وقصيده .. ان شاء الله تحوز على رضاااااكم


لشاعر // عبد الله الدوسري


( انكفت وانكفنا على سابق الخيل )


هذه القصة حدثت عام 1385هج للشاعر , فقد تقدم الشاعر لأهل إمرأة في البادية لأجل خطبتها وكان قد أرسل أحد أقاربه من النساء إلى المرأة للتأكد من موافقتها , فأبدت وأمها موافقتها على الزواج من الشاعربشرط موافقة والدها وتنازل ابن عمها , وعندما تقدم لوالدها كان لا يريد أن يكون الرفض منه لكونه قد سبق أن عد ابن أخيه للزواج من ابنته , فقال والد البنت لابنته إذا طلب يدك الشاعر فسوف أرحب به على أن توافق البنت , وعندما آخذ رأيك فأنتي أرفضي لان الشاعر عزيز علي , وله جميل عندي , وابن عمك أولى منه لقرابته ولا أريد أن يكون الرفض مني .
وعندما سمع الشاعر منها ماتم الاتفاق عليه بينهم تركهم وعاد وبعد فترة طويلة من الزمن وبعد فوات الأوان أرسلت له القصيدة التالية :

ياهل الونيت اللي مشيتـو عشيـه=ياللي نويتو بالسفر يمـة اسيهـل
ردوا سلامي صوب زبـن الونيـه=عد النجوم وعـد وبـل المخاييـل
أخطيت وارجوا منه صفح الخطيـه=ما يمدح الزلات كـون المشاكيـل
ترى الخطى معلـوم مـن والديـه=اللي سعوا بينـي وبينـك ابتفليـل
جعل القريب أفداك واغلى النحيـه=ونرضيك غم للوجيـه المشاهيـل
فاقبـل قبلـك الله شريطـي هديـه=وردوا جواب لي عسى عمرك ايطيل
ياحيهـا لاجـات بـالـرد لـيـه=عسى تفرحني وتجلـى التولاويـل

ولم كان قد أتفق معها على الزواج ثم رفضت أمام الناس أثار غضب الشاعر و آل أن لايعود لها أبدا

فقال قصيدة عصماء عزالله انها شرشحها بمنشار وهذه الابيات منها مايلي :

لا

مرحبا لا مسهلاً لا تحيه=بالباير اللي باعث لي مراسيل
لا مرحبا بك وأنت تكذب عليه=خلاص يا غدار مافيه تطويل
حظك رما بك من قصور عليه=من بار حظه شاف دنيا الغرابيل
لا رحم نفس تقبل المحقريه=مايقبل الهانات كون التنابيل
نسيت يا بوار ما أرسلت ليه=واليوم ترجع ناسٍ كل ما قيل
هونت مالي صوب من بار فيه=سمحتنا وانكفت والميل بالميل
فنا رفعت النفس منها الدنيه=رفعة شرف ماهوب ذل وتغفيل
فاقبلت واقبلنا بنفس هويه=وانكفت وانكفنا على سابق الخيل
فوالله مرخصناك من قبل ذيه=حتى نعذرك يوم عجت المراحيل
فن الرجال لها عزوم قويه=وهذي عوايد طيبين الرجاجيل
لديتني لدك جزيل العطيه=وشفيت قلبي فيك يا مرخص الهيل
امنولا يا طول ليلي عليه=كل رقد وأنا منامي على الحيل
وامنولا لا ناض برق بضيه=وقفتنا يمه على شانك أخيل
فالله كريم يسعد الحظ ليه=ويعوضني غيرك بنات المشاكيل
لا من عطى محد منع له عطيه=عطيةٍ ماهيب من مدة ابخيل
حظ الفتى ماقدره له وليه=والرزق بالمكتوب عنده منازيل

إلى آخر القصيدة والبالغ عدد أبياتها 330 بيتاً

ياداااافع البلا والبلوووووي


اتمنى تنال على اعجابكم


تقديري لكم


منقووووول بتصرف من هنا وهناااااك



اخوووكم



سرحان