خذتك اللامبالاةُ وسهرت إجمع لك /...... التبرير
............ سرى وقتي /... وانا في داخلي حيره بليا راس
تعبت آستنشق ايامي بدونك/..... وأمتلي تخدير
............آحسب /.... إلين تخدر كل مافيني يطيب الباس !
وانا كم قلت لك صدري حديقه وإختلاجي / بير !
............ نويت أزرع بها حلمي ولكن شف نبت لي فاس !
نثرت لشوفتك حفنة أماني وازهرت /..... نوّير
............تصدق /..... ماهقيت اللي نثرته بالجفا ينداس !
خنقني كف حزني وأرتفع صمتي امام /.... الغير
............ وسال إمن العيون /. أسراب جرح وآه ماتنقاس
صحيح إني أجوعك بس طبعي أكره /.... التبذير
............ تعال /.. وهات لي كاسة حنين وكسرتين انفاس
عشاني أوقد شموع التلاقي وإخمد /... التأخير
............ حزينه ساعتي /.. نامت على كوع الرجا والياس
انا فرصه /.. على درب العنا ضاعت من التقصير
............ وانا جملة حزن فاحت مآسي وإختنق /.. كرّاس
خذاني : عاشقٍ يقرع شعوره /..... للوفا سِكّير !
............ رماني شاعرٍ/.. خالط حروفه ثلج وسط الكاس
يطيح الشوف من محجر عيونه مالقى له /.. طير
............ تسلق به شحوب /.. ومد كفّه يقطف الـ لاباس
وش اقسى من يضم الخوف يدّه والحروف إتغير !
............ تشوفه يعجن اوهامه طفل /.. لعبوبته وسواس
أبد ماهو خطاه إنه دفن ضيمه /....... وقال بخير
............ خطاه إنه /. رضى يسقيك حِبه والعروق إيباس.