عطونا بنتكم الحلوه والزينه ..مانعطيكم ميه الا بالف ميه ..
وعلى طاري الفرح ..نخلي المقدمه عنها ..
الخطبات بالصيف ..
وهذي قصه بسيطه لبنتي حبيبه قلبي _ صبــا _
هذا الله يسلمكم في يوم من الايام العصريه ..
وعيالي بالتحفيظ فديت قلوبهم ..الله يتمم حفظهم ويلبسوني التاج بيوم الدين ..
دقت علينا ام حسين ..تابعوا الحوار ..
ام فارس (انا ) : الو ..
ام حسين ( ...) : الو ..
ام فارس : الو ..
ام حسين : الو >>تراها فهت شوي ..
اه هلا ام فارس معليش فهيت شوي ..
ام فارس : لا عادي خذي راحتك ..تعودنا يالغلا ..
ام حسين : وش اخباركم وش مسوين ..
ام فارس : الحمدلله يالله بخير ونعمه ..انتم وش اخباركم وش مسوين ..
ام حسين : اخبارنا ..!! اللحين ابجيك اقولها لك ..
ام فارس : ايه حياك ربي ..تعالي ..
ام حسين : الله الله بالقهوه ..
ام فارس : ابشري ( طبعا نويت مااسوي قهوه عناد فيها ) ..
ام حسين : يالله طسي ابروح البس واجي ..
ام فارس : طيب ابطس ..مع السلامه ..