والنفس عافـت كـل دربٍ تريـده

السلام عليكم ورحمة الله وبركاته

هالقصيده قلتها في القائد المجاهد المرحوم باذن الله خطاب

مسندها على ياسر التويجري بس مع الاسف ردياسر ماهو عندي بس ان شالله اجيبه لكم مره ثانيه



[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يابـو محمـد شـق قلبـي حديـده=يامسندي والراس من هولها شـاب
والنفس عافـت كـل دربٍ تريـده=غصبٍ يجاذبها على الهـم جـذاب
والهم فـك اعقـال دمعـي وقيـده=وقامت تنثر دمعتي عنـد الاجنـاب
والعين قـل النـوم خطـرٍ يبيـده=كنه يحاربها عـن النـوم حـراب
جسمي نحل واعضام جسمي بليـده=غديت مثل اللي وطى موخر الـداب
بـرض خـلا مافيـه طـبٍ يفيـده=وحيد ماعنده سوى المـوت طـلاب
ولا عجـوزٍ مـات قدمـه وحيـده=في حرب ماخلت جماعه ولااقـراب
ولاخلـوجٍ ثـار منـهـا زبـيـده=على حواره والنحر منـه صبـاب
حزني طغى والمـوت قلـد بجيـده=بد يهايق لـي علـى كـل مرقـاب
والشـاهـد الله مابـلايـا فـريـده=ولابلايـا حـب عذبـات الانيـاب
انـا بلايـا راح عــز العقـيـده=راح الذي صيته على الارض هياب
المعمعـه وان دش فيـهـا يبـيـده=ضاري على الغارات للحرب كساب
عـزالله اللـي راح مـنا فقـيـده=راح الشجاع الصيرمي راح خطاب
يالله انـا طالبـك محصـي عبيـده=ترحم عزيزٍ راح يـارب الاربـاب
[/poem]