ياهيه

سار القلم فوق الورق ينثر جروح
زحمة سطور وفيض حزن ومعاني

للي حدا قلب الهواوي على البوح
الله واكبر !! ياقسى المودماني

ياهيه باب العفو للذنب مفتوح
ماعاد به مجني ولافيه جاني

ماللهجر عند اكثر الخلق مصلوح
الود يعطى فرد ... من دون ثاني

اقفيت واقفت بك على غير مصلوح
دنيا خذت فرحك وخلتك عاني

رد النظر بالعمر لاتتعب الروح
العمر فاني والبقى للاماني

لي خافق دامح ولك ذنب مدموح
باصبر ولو عانيت قسوة زماني

واساير ايامي وانا اقول مسموح
ماارضى على غيري اشوفه يعاني