السلام عليكم ورحمة الله وبركاته
غــلامـِين بـرزان
شعر / عبدالمعطي فهد فهيد الهمزاني الشمري
17/5/1430 هـ
بصوته
http://mfaaak.googlepages.com/abdumutee.rm
( غــلامـِين بـرزان )
شاهد الشاعر مقطع أبطال وادي مشار وإنقاذهم للمرة
وتفاعل كغيره من شعراء هذا الوطن بقصيدة بعنوان ( غلامين برزان ) واليكم هذه القصيدة
[poem=font=",6,black,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/15.gif" border="none,4," type=2 line=0 align=center use=ex num="0,black""]
يا سامعين الصوت والقاف برهان = وش حيلتي يوم الخبر كد لفاني
يوم الثلاثا سيَّل القلب غدران = هاضت قريحة خافقي بالمعاني
ليتي حضرت اللي حصل والخفي بان = ليتي شربت من الزبد مترباني
بنت الرجال اللي سِمع صوته الجان = يوم اصرخت في وادي الديدحاني
مع رَجلَها ركبوا على جيب نيسان = بس الله اسرع من حساب الثواني
صك الشعيب ولا حسب للبشر شان = جاهم هديره قالت الموت جاني
راحوا هوى لولا الولي عالي الشان = ثم النماصي والرفيق همزاني
زاموا على زُومٍ زمى والنفس هان = يوم الشهامه ما رضت بالطماني
صاح الشريف اللي على الموت شفقان = يا لعنبوا حي الذي ما نخاني
انا النماصي وازهد الروح عجلان = جدي وطى قبلي بحور ومواني
ثم اعقبه فلوٍ سلايل كحيلان = قال اتركوني تالي العمر فاني
انا همزاني مااترك إنثاي تنهان = بين التراب وسيله المزبداني
انا همزاني قبلي الراس دعسان = فعلٍ لنا زاحم سهيل اليماني
تطابقوا عليه غلامِين برزان = اللي على الموت الحمر هِيِّجاني
شمر عريضين المناكب والأيمان = شمر حشى مايرتضون الهواني
شمر حرار ونوشة الحر برهان = تودع نثير الريش قاصي وداني
هذا ولا اجحد للعرب كاينٍ كان = كلٍ القبايل له فعول ومعاني[/poem]
ونعم والله بغلامين برزان
عشوق