{{ قــوس الـمـطـر}}

رحل فكري لجل ياصل هنوف ٍ سحرها فيني
وصل داره وقبلها وصافح ضحكة عيونه
هلا يابسمة أشعاري هلا باللي تداويني
هلا مع دلة ٍ صفراء لك أنفاسي يصبونه
لجل تزهابك أشعاري دخيل الصمت ناجيني
أنا كلي فداء عيونك وحبّك القاف ووزونه
كفاية هالخجل منك تبسم يانظر عيني
تبسم بسمتك تّشفي مريض ٍ زادة طعونه
فديتك ضمي أحساسي ابي قربك يهديني
ابي سحرك يذوبني على كيفه على هونه
ابي قمة جبل عشقي تسجلها دواويني
وذوّب لجلك أحساسي وقلبي يعزف لحونه
ابي قوس المطر عقدا ً على عنقك. وضميني
ابي حبّ المطر يضحك على شفاهك من مزونه
ابي شعرك مع النسمة يداعب لمسة ايديني
ابي نحرك يصوبني وضم العنق ومتونه
ابي ثلج ٍ على ثغرك كساه الجمر يغريني
ابي كل النحل يصرخ دخيله بسكن سنونه
ابي نهر الوفاء يصرخ ملاك الكون ارويني
ابي كوخه يظللني ابي نخله أبي كونه
ابي تاقف قدم عيني وقدم له ثمر تيني
أقدم له .وّردّ . جوري من الفرحه وقف دونه
ابي كل الغلا فدوه وتحيابي وتحييني
ابي كل الملا تعلن. (حلاة الحب بجنونه)


مطر الجرواني