عطــــر حائـــل

قصيدة عطر حائل للشاعر ساير العامودي

--------------------------------



[frame="7 80"]هب الشمال وجابلي عطر الانسـام = ريحه دوى قلـبٍ بـه الفيـن علـه
وانعش حيـاةٍ صايبـه هـم وهيـام= وكل المشاعر صـوب حايـل يتلـه
ما اللام والله يا اهل العرف ما اللام = حب الوطن واجب على كـل ملـه
يا دار حاتم طـي يـا دار الاكـرام = ما فيه مثلـك بيـن الاوطـان كلـه
من الجنوب لقاصي الغـرب للشـام= للشرق الاقصـى مـا وجدنـاك لله
غلاك في دمي وبـه خافقـي هـام= وحبك سكن وسط الضمايـر محلـه
(والله يا لولا الارض بسطت للاقدام= اني فـلا اطـا ترابهـا حشمتلـه )
دار الكرم رفف لها بالسمـا اعـلام= ومنـارةٍ مـن شـان ضيفـه يدلـه
تاريخها اللي ما وفت فيـه الاقـلام = حازت على الامجـاد دقـه وجلـه
الطيب مبداها قبـل عهـد الاسـلام = لاصحابهـم تدمـح ثمانيـن زلــه
دار الطنايا مرويـة صنـع الاروام = يـوم اللقـا عاشـوا اعداهـم بذلـه
عـدو شمـر دايـم الـدوم منظـام = يقضـي حياتـه والنكـد سقمتـلـه
شمر خيار القـوم مـع مـر الايـام = وصلوا مكانٍ ما بـه احـدٍ وصلـه
شمر هل النخوة مع الحـق جـزام = ريف الضعيـف ولنضهـد فزعتلـه
رديهم كنه علـى الضـد ضرغـام =ترهـب صناديـد العـدا صيحتلـه
والمـر يامـنـه بصنديـدهـم زام = ليـا آمـر صـم الصفـا طاوعلـه
يرعب مناعيـر النشامـا ليـا قـام = وترجف مناصيب الدول هيبـةٍ لـه
شمر ليا ذكروا هـل الملـك حكـام= خصص لهم سطر الذهب بالسجلـه
وشمر بنوا في قمة المجـد مرسـام = بصروح مـن فـوق الثريـا تعلـه
امجادهـم تـزداد عـامٍ بعـد عـام = والكون يشهـد والبشـر مقنـيٍ لـه
ولا اقول في باقي المخاليـق مثـلام= ولا ازحم عراض الناس خوفاً من الله [/frame]