رفيقي لامني غبت ولا اليا من غاب
على العز والنوماس نبقى كما كنا
نحفظ الحقوق ونحتمي الموقف الغصاب
ولا من بغانا في المواجيب حصلنا
سوا انه من الاجناب ولا من الاقراب
بيوت الوفا تنصب على الطيب وتبنا
مانيب آتسمع فيه واشي ولا كذاب
وهو لا يصدق ما تقول العرب عنا
هل الغش واهل النصب قفاية الاصحاب
عسى الله من أهل الزور والكذب يامنا
نقوي العزوم ويفتح الله لنا كم باب
لا قمنا نجامل والزمن مايجاملنا
واليا من رفيقي صد عني بدون أسباب
تفقدت ويش اللي حصل وازعله منا
اذاني مقصر فاللحى تكرم الاشناب
يجوز الظروف من المعاذير لدنا
واذا كان مستغرب وهو ماله استغراب
كبرنا على روس الطواغيت واذنا
هذا المختصر واقروه ياربعنا الغياب
ترانا على الميثاق الاول وما زلنا
،
لأرواحكم 
•● عسى الله من أهل الزور والكذب يامنا ●•
العرض الشجري
