زماني دار بي دوره وطحت برمش غندوره=واشوف الروح مجدوره تبي شوفة حمام الدار
وهي غنجاء وفرفوره ظهر مسكه وكافوره=زهور تحت نافوره وشبت قلبي اللي فار
نصيبي جار في شوره وسدد نار شرشوره=وخلا الروح محشوره تعاني حدة المنشار
وصار القاف وسطوره بمدح الريم وعطوره=مع ان الريم مفطوره تسبب للقلوب اخطار
حلى زوله وديكوره وجسم تقل باكوره=رمتني بالهوى كوره ولا لي بالعذاب انكار
من ابها سرت مع نوره وجيت لراس تنوره=بلوزه فوق تنوره تولع في دجاي افنار
ولي العرش وخيوره خلقها خلق سنيوره=وخلا الجوف وسيوره تمزع لو تجي مسيار
لأن البعد وعصوره يهد الجوف وقصوره=يحطك بالعرب صوره وفي خافي حشاك اعصار
واخاف القحط ودهوره وعام الهجر وشهوره =تطول وتنشف نهوره ومعلوقي يقع منهار
وكاني ذقت خابوره ضحايا العشق مخبوره=وشف ذكراه وقبوره تفيدك لابغيت اخبار
طلوع القلب عن طوره يطفي نور ماطوره=وغيبة سيل قاطوره تهد الشاعر البيطار
تقول العين مذروره بملح السهر وشروره=وكان الريم مغروره عطيته بالممات اقرار
العضو الأكثر نشاطاً هذا اليوم 
العرض الشجري
