قلبك تغير ،، وأنت مثله تغيرت

عمري أبد في دنيتي ،، ماتصورت

أن الوفاء ،، ماعـــاد له أي قيمه





ياللي نسيت الحب ، مدري تنكرت !

ترى الجفا فالحب ،، مثل الجريمه





قلبك تغير ،، وأنت مثله تغيرت

ذبحت فرحه ،، في حياتي يتيمه






مادامك أصلاً ،، فالعلاقه تكبرت !

ياصاحبي نيتك ،، ماهي سليمه






ياما نصحتك ياحبيبي وحذرت

الكبر دايم ،، له عواقب وخيمه





تطعن وأنا صابر ،، ولا قد تذمرت

لي نفس ،، في بعض المواقف حليمه






معقوله يعني ،، ماطرالك وفكرت !

أني حسبت حساب ،، عشره قديمه !!






تدري من اللي من سببهم ،، تدهورت ؟؟

أهل الحسد والكذب ،، وأهل النميمه






صدقتهم في كذبهم ،، ماتذكـــــــــرت !!

مواقفي ،، والتضحيات العظيمه






على الأقل ،، لو جيت مني تعذرت

يمكني أدمح زلتك ،، والظليمه






من ينفعك ياصاحبي ،، لو تهورت ؟

ماظن عندك ،، للمواجه غزيمه






وقت ٍ مضى ،، لامن طرالي تكدرت

باسباب ذكرى فالمواجع ، أليمه




غلبتني ،، وأنــــــا ترى ماتعثرت

مافاز ،، من لاذاق طعم الهزيمه






وأن كانها بالصد ،، لا ماتحسرت

ترى الجفا فالحب ،، ماهو غنيمه





مما راق لي