وفــآك & وفايـــآ

,


اي افترقنا والزمن بيننا حال
اي انتهت هاليوم قصه عنايا

كنا على كل البشر فوق نختال
لامن طروا قصة وفاك و وفايا

وفجأه رحلت ومال فيني الزمن مال
ولجلك تحملت التعب والشقايا

وظليت ادافع عنك واصد عذال
ياما حكوا في غيبتك عن سمايا

قالولي ان الريم صادتك ياغال
وانسيتنا عن العيون الغوايا

وقالو لي عن دنياك وعن كل الاحوال
اللي انت فيها عند هاك الصبايا

وكذبتهم كلي امل فـ كذب ليــ قال
وظنيت شخصك صادقن في هوايا

وكنت احسيك مشغول واني على البال
وانك وفين لي وتنطر لقايا

وانك مثيلي تضرب الدمع همال
وانك مثيلي بشوق ماله نهايا

ياللأسف حطمت روحي والآمال
وخيبت ظني بين كل البرايا

يومي رآيتك وبيننا عده اميال
تضحك معاها واتجاهل ندايا

من يومها والحزن بانيله جبال
ومتركزن بالقلب وسط الحشايا

ومرت علي سنتين وشهور وليال
وقربت انا انساك واعلن شفايا

لكن ؟ رجعت وقلت خــ نحل الجدال
وانا اتأسف واعترف في خطايا

"صحيح " حبك داخل القلب لازال
ولازلت اعشقك وانت روحي وغلايا

بس اعتذر ياحب في داخلي جال
ونفسي عزيــــزه ماتجـي بالهـــدايا

اي افترقنا والزمن بيننا حال
ولاعاد لك في خافقي من بقايا

اعجبتني