من روائع مرزوق الذبياني

[align=center]

الله من قلب به النار مشبوب ـــــــــ جمرة غضى بالقلب والع لهبها
كل رقد وانا عن النوم محجوب ــــــــــ الله من عين سهرها حربها
ما غير اعد نجومها طلوع وغيوب ــــــــــ حتى ضياح الشمس عني حجبها
لا حد يلوم اللي بدا راس مرقوب ــــــــــ رجله على مبداه همه غصبها
من حر ما به ضاق صدره من الثوب ـــــــــــ وعميت عليه دروبها من تعبها
بايامنا شاكي وباكي ومعجوب ـــــــــــ وحيٍ شكى منها وحي بعجبها
وانا سقتني مرها شرب بالكوب ـــــــــــ وذليت منها ذل حالي رعبها
لاجيت ابا أنهض بينت في عذروب ـــــــــــ يالله تحل حبالنا من نشبها
يابن عوض بلواي زادت عن ايوب ــــــــــ والعالم الله وانت تعلم سببها
مع المقدّر جالنا خط مكتوب ــــــــــ يازين خط اللي قراها وكتبها
قريت عنوانه مسكن ومنصوب ـــــــــــ والياءعليها سكون والهاء نصبها
اسمه بحرف الجر مبني ومحسوب ــــــــــــ وياهل العقول ارو اسمها من لقبها
يابن عوض ماشي معاذير ودروب ـــــــــــ حقن علينا لزوم ناصل عربها
لو دونهم من واهج القيض شلهوب ــــــــــــــ البعد ما رد العرب عن طلبها
وانت خويي والخوي فيه مطلوب ــــــــــــ وعز اللحى يابن عوض من شنبها

تحياتي وتقديري

[/align]