سكرمسامعك عن هفوة لسان الصديق=افتح لهاالدرب والهفوات خله تفوت
ياشفت راع الحصان اللي حصانه سبيق=خله يجوب السهال الجرد وقت القنوت
الصبر حكمه اليازل القدم بالرفيق=ومن لا صبر صار عرضة كل خبلٍ شموت
والصمت للرجل عز وقو باسٍ عتيق=وترى مقاس الشهامه للرجال السكوت
ورهاوة الهرج مثل الزند يحدث حريق=اخذ الحذر مايفيد الصوت يافات فوت
مبطي يقال اللسان حصان عزٍّ عتيق=تكسب كبار الغنايم مع كبار السموت
الغطرسه بحر سوٍّ به يضيع الغريق=يطيح فيه الغريق بغبة اهل السحوت
وغيبوبة الكبر يبطي صاحبه مايفيق=وصفاوة القلب تستمتع بحلوالسكوت
واللي دخل بالسوالف بالحساب الدقيق=يعيش باقي حياته بالهمَوم مغموت
(((مشعل عسام الغافل التريباني))) في1443/10/14هـ