كان الشاعر/ دغيم الظلماوي الشمري وهو من فخذ الشلقان
من الزميل من سنجاره من زوبع من الرجال المعروفين
بالكرم والشهامة وكان نازلا بالنفود الكبرى بين حائل
والجوف وكان أكثر عابري الطريق يعرفون مكانه ويمرون
عليه ويقوم باستقبالهم وإكرامهم
كعادات العرب ولكن من حرصه على إكرام الضيف وعابر
الطريق يقوم بإشعال النار ليلاً في مكان مرتفع ومن يشاهد
النار يأتي ويجد القهوة على النار وكان عنده ابن أخته
( كليب) (لأنه عقيم لاينجب أبناء)
وكان كليب يساعده على تجهيز القهوة ويقوم خاله ( دغيم )
بتشجيعه على أن لايغفل عن القهوة وان تكون النار
دائما حية وقد قال دغيم القصيدة المشهورة:
ياكليب شب النار ياكليـب شبـه=عليك شبه والحطب لـك يجابـي
وأنا علي ياكليـب هيلـه وحبـه=وعليك تقليـط الـدلال العذابـي
الوالمه ياكليـب عجـل بصبـه=والرزق عنداللي ينشي السحابـي
وإدغث لها ياكليب من جزل خبه=وشبه ليا منه هبـا كـل هابـي
أبـي ليـا شبيتهـا ثـم قـبـه=تجلب ربـع سـرات(ن) غيابـي
بنسرية(ن) ياكليب صلف مهبـه=ليا هب نسناسه تقـل سـم دابـي
متكتفيـن وناطحـيـن مهـبـه=متلطميـن وسوقهـم بالعقـابـي
صبه لقرم صرفته ما حسب بـه=يوم البخيل مكنهب الوجه هابـي
وصبه لمنعور مـن جـاه نبـه=يرخص بعمره والدخن له ضبابي
وعده عن اللي مايداري المسبـه=اللي يـدور بالقصيـر الغيابـي
لياباطن الهلبـاج خطـو الجلبـه=يازين تالي الليل خبـط الركابـي
افرح لهم وابدي سـلام المحبـه=ليا شح بالهيـن كبيـر العلابـي
سلام احلى مـن شخاليـل جبـه=واحلى من السمن الجديد الرعابي
وخطو الولد يـوم الملاقـا نكبـه=يصير معنا من حساب الزهابـي
وش عاد لو يلبس زبـون وجبـه=معيرة علـى غضيـر الشبابـي
أنا لقيت الصبـر يازيـن غبـه=يرقيك روس مشمرخات الهضابي
ومن لا صبر ياكليب في حكم ربه=هذاك يوم البعـث مالـه ثوابـي
سمع الامير محمد العبدالله الرشيد بكرم الضلماوي
وكثر ذكر الناس فيبي يشوف عن الضلماوي وصدقه يوم يقول :-
الوالمه يا كليب عجل بصبه *** والرزق عند الليي ينشى السحابي
يوم جاء تالي ليلة من الليالي قال الامير لبعض اخوياه
الخاصين ترونا نبي نسير ولاعلمهم بوجهته ويوم جاء
تالي الليل الا يوم نوخو على الضلماوي فقام الضلماوي
ورحب بهم يوم دخلو الرقة وشاف الامير محمد الوجار
الا والله الا النار حيه والوالمه على
النار وصب لهم الضلماوي من الوالمة وقام يحمس الثانية وقبه النار .
قال الامير محمد :- ما تقولي يالضلماوي وش
عندك به يوم انك تقوصد يا كليب يا كليب .
فعرف الضلماوي ان الامير زعلان فقبلة وقال القصيدة التالية :
مده رهن لولاك ماقلت ياكليب *=** ولا قلت شب النار وصر موقدا له
في ليلة تجدع سواة المشاهيب *=** نسرية تلصق خليل لخله
نطعن بعزك ياحصان الاطاليب *=** عسى الله جمع حزمتك ما يفله
يالجوهر الناريز يالمسك يالطيب *=** يا عنبرا من جربه مايمله
تكفي محاليب وتملى مجاليب *=** وكبد تيبسها وكبدا تبله
ياطير شلوى مالقي بك عذاريب *=** لو تستحتي ما تجمع الطيب كله
يا بو اليتامى والارامل ومن عيب*=** وأبوا لمن صار العصى ثالث له
وابو المحرول والاعمي والمحاديب *=**ومن ضامته بعقاء تصير ولدا له
أن كان هرجي به عليكم عذاريب *=** سامح عسى اللي عقبك بألف حله
مده رهن لولاك ماقلت ياكليب *=** ولا قلت شب النار وصر موقدا لـه
في ليلة تجـدع سـواة المشاهيـب *=** نسريـة تلصـق خليـل لخلـه
وعقبة قال الامير محمد العبدالله يالضلماوي
قال نعم قال والله ماتشري غير ماشريته
مدام انا حي كل مااحتجت تجي يمي وتاخذ حاجتك.
--------------------------------------------------------------------------------
منقول للفائدة...