يوم الخميس الثامن بشهر كانون.........تاريخ موت دفى في وسط الخبر
مريت بيته..شفت لي ناس يبكون.........فزت عروقي ودق ناقوس الخطر
قلت القضيه؟..قالو الناس مزيون.........في وسط ذاك الدار يادفى احتضر
ضاقت بي الدنيا على وسع هالكون.........والدمع من لب المحاجر انحدر
ياحيف دمعاتي نهر تحت العيون.........بس العزى في قلبي اللي ماصبر
ملعون أبوه الموت يالموت ملعون.........دام اصطفى اختي على باقي البشر
شالو جسدها..رحمه الله يدعون.........تحت التراب ألقو جسدها وأنقبر
ماني مصدق كيف؟أوليه؟وشلون؟.........أفقد عيون ..كانت لعيوني نظر
أدعي لها باليوم خمسين مليون.........وأقوم ليلي ..لين حزات السحر
ياهمي اللي ماتجيني على هون.........ماشالتك صحراء..ولا شالك بحر
ياكيف انا بنسى وياكيف تنسون.........ذاك الخميس اللي مضى ذاك الشهر
تحياتي
دفــــــــ المشاعر ـــــى
العرض الشجري
