تقاسمي يالضلوع اتضامني عادي = ما عاد تفرق معي ما ناظر اخلافي
بعيش صبح الأمل تو العمر بادي = وارتاح ماهمني صار القسى الحافي
طبعي سما عفت ما اسمع لوك اتنادي = اطوع القلب لين يقول لي كافي
وهاك الغلا سيل حدر باسفل الوادي = غدا مع افجوج الأرض وصار ينعافي
موت الغلا انهايته في طرف الآحادي = ويعيش لامن وفا جميع الاطرافي
ناخذ تجارب من الدنيا وننقادي = صوب المشاعر وصدق الحب ينشافي
تصفا لنا ايامنا والقلب يعتادي = على المحبه وكل ايامنا تافي
واماني النفس واجد والله الهادي = يهدي القلوب القسيه يجلي السافي
تقاسمي يالضلوع اتضامني عادي = ماعاد تفرق معي ما ناظر اخلافي