فلانه محجوزه لفلان

فلانه محجوزه لفلان

بسم الله الرحمن الرحيم



السلام عليكم ورحمة الله وبركاته



شخبارتكم ... وكيف حالتكم



جايبه موضوع مهم و خصوصا في مجتمعاتنا الخليجيه .. وبالأخص (( القبايل))





محور النقاش العبارات التاليه :



( ياولدي بنحجز لك بنت فلان )

( يابنتي ترى ولد فلان حاجزك )

( فلانة محجوزة لفلان )s038:




طيب نفترض :


* ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..


* بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان




قصص تبكي القلوب .. وأحلام تضيع في قرار
أمال وأمنيات تتبخر ..


بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماراح يتأثر ..
لكن البنت حساسة وبتروح في خرايطها ..
وفوق كل هذا ماراح يجيلها خطاب لانهم يعرفوا انها محجوزة لفلان ..





يخلص الحبر والكلام مايخلص >> أرحمينا




من المذنب في هذا كله :

الشاب , البنت , الأهل , العادات والتقاليد ؟؟


ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟


اذا تقدم لك شاب للآن يدرس وقالوا لك أهلك انه يبي يحجزك وش بيكون موقفك ؟


وانت ياعريس الغفله مارأيك في مسألة الحجز وان تكون محجوز لفتاة ؟؟


وهل هذا الشي موجود في عائلتكم ؟؟ وماموقفكم منه ؟؟


اتمنى اشوف ارائكم ...



لكم مني أطيب تحيه ..