سولف ترف واضحك غرام وحكايات
وأنثر حديثك للـــــوله والكتابة
جيتك وانا مليان عشق وملذات
همسك يقسّمني شعــور وذرابه
بـ أسكب تفاصيلك جنون وبدايات
ذهاب عمري فيك يسـكن إيابه
وجهك يفل حجاج كل الصباحات
بينك وبين النور حــالة تشابه
ملامحك غيم وحمام وبراءات
وضحكتك تقتل كل ضيق وكـآبه
إلا على طاري حديث التفاهات
قل للسواد البعد عز ومهـابه
شموخنا يكسر نفوذ العصابات
أكبرهم .. اصغر من جناح الذبابه
عطني يدك باقي حنين ومسافات
وأحلام وقلوب وحنان وغرابه
إلا على طاري حديث المساءات
تعال حدثني حديث السحابه
قل للغلا ماعاش تسع السنوات
إلا لأنه عشق قلــب وصبابه
مودتي