الشاعر ساكر الخمشي من قبيلة عنزه هذا الشاعر المعروف قد جاور الشيخ ضاري بن طوأله شيخ الأسلم من شمروقد اكرمه غاية الأكرام مايغزي الا وهو معه وفي مجلسه مقدره وهو مشهور بأصابة الهدف وله فن باالربابه والشعر وقد عشق بنت من الطواله وقد حيرها ابن عمها وهو سلم لعموم الباديه ماتزوج الا برضاء ابن عمها اما في جاه والا في طمع كثير يكون تعجيز على الخاطب والكثير منهن يفوت عمرها لهذا السبب لهذا زعل ساكر ورحل منهم فدعا عليهم بأبيات فقال:
يامل قلـبن يـلـتوي لـيـة الدوك=بيدين ظــرفن شاطـرن باشـتـغـاله
على غـزالن صافـين مابه شكوك=عـيوا عـليه الـذاهـبـيـن الـطــواله
عسى يجيهم من بنى عمهم صوك=يـومن بـه الـمـرور يقـطـع بـخـاله
جـمعن يعـزل طلعت الشمس مدلوك=مـدمي ولاتـنـفـع عـلـيه الـدخـاله
والـبـيض عقب صخيف الوسط عكعوك=كالفرق بين المقتدي والضلالة
ولما انتشرت هذه الابيات غضب عليه ابن عمه الشاعر سند الخمشي لكونهم جميعا جربوا جيرة ضاري ابن طواله
وطبعا سند الخمشي ماذاق لوعة العشق وناره والا كان عذر ساكر لانه يتكلم من النار اللي بقلبه فقال سند ردا عليه:
ياشين ياساكر هل العرف سبوك=أخطـيـت ماهـذا الجـزاء للـطـوالـه
قصـيرهـم لوعـال مايلـحـقه صوك=مـتريـحـن مايـلـحـقــه كـل قـالــه
في ضف اخو صلفه من الغوش مزنوك=غـيـر الظــفر ماتـنـتعـدد خصاله
جـمعـت مـالن ماجـمـعـتـه على ابوك=ملبـسـك لبـسـه ماضـرى للبـخاله
فقال ساكر الخمشي قصيدته الغزليه الساحره التي انتشرت في حينها انتشار النار في الهشيم وقال على منوالها
العديد من الشعراء والتي توضح حرقته وجمال شعره ورقته:
يالله ياللي تـودع الغـيـم ناشي=تـفـرج لعـيـنن ماش ماعــاد منهــاش
ونــيت ونة من له الشـيــخ داشي=صـكـوا عـلـيه الخيل ماقــدر ينحاش
كسير عظم الساق غادي طشاشي=عزاه تسمع لاسفل العظم خشخاش
على عـشـيرن مـرنا العـصر ماشي=علق صواب القـــــلب ماكن سواش
يارميح غاد(ن)لي مع الورد حاشي=وقم الثـــــنيه فـــوق خدينه رقاش
وسمه ثلاث ردوع ماغــيــرها شي=ومن الوســـــوم الباقيه ماعليهاش
لو بس امـــزه مــز عظم المــشاشي=مـــــزة سبيل مولع(ن)حرق الجاش
اخاف اموت ان ماحصل لي ولا شي=دغلــــوب خبراء ناشفن ميها ناش
يلايمــي ياعــل مالــك مـواشــي=يالعــنــبــوا من لامنــي لابو قطــاش
مســـــكين بياع الموده بلاشــي=يزعــل على مالون ويرضى على ماش
ساكر الخمشي كانت على وقته مذبحة اهل المسجد المشهوره في المسجد اثناء صولات الاخوان قبل قضاء الملك
عبدالعزيز عليهم واكتشاف خطرهم وكان من بين المقتولين اقارب واصدقاء لساكر فرثاهم قبل موته رحمه في تلك
القصيده الشهيره على ألسنة الناس فقال:
مبداي باسم اللي له الصبح ينقاد=يابادي(ن) ذكره على كل بادي
تقبل دعاوي واحدن قبلها صاد=حيث الدعاء يذكر مجادع هوادي
ذبحة هل المسجد ركوعن وسجاد=يظهر لها مـــن بعـــد ذلك مــنادي
وجدي على البيحي وعقدي وفهاد=أوي ربعــن من ربوعي نوادي
ياعل دارن حل به ذبح الاجواد=تاخذ ثمان سنــين ماســال وادي
لما يهش العظم ماجاه رعاد=ويسكن هواها مايطــــير السمادي
وترخص بها السلعه ويغلى بها الزاد=وتذهل به المرضع رضيع الفوادي
ويعتبر ساكر الخمشي من اعلام شعراء قبيلة عنزه الافذاذ وربما خفي بعض شعره على افراد قبيلة عنزه لكونه
عاش اكثر عمره في ديار شمر الذين حفظوا الكثير من اشعاره رحمه الله000
اتمنى ان اكون افدتكم بهذه السطور الجميله لشاعر فذ والسلام00
الراوي فواز الغسلان00
العضو الأكثر نشاطاً هذا اليوم 
العرض الشجري
