رماني طــريــحن وســط عــبده وسـنجـاره

[poem=font="Simplified Arabic,6,white,bold,normal" bkcolor="green" bkimage="" border="double,9,black" type=2 line=0 align=center use=ex num="0,black"]
ليـال الوناسه ظـاهـرن لـلـعرب زيفـه=وهمن رحل يرجع لكم عـقب مسياره
وقـلـبن ورى الـخفرات تـكـثر رفاريفه=يجـي يـوم يصرخ والله انه فـلا صاره
يروح الوفـاء منها وتـكـثر عـجاريـفـه=وتشكي ظـماك ولو جرت عندك انهـاره
ولو ذقـت مـعـسول الحـلا مـن مـغـاريفـه=تـذوق بتـواليـها غـثى الهجر وامراره
او اوجـسـت دفوات الشـتاء فـي لواحـيفه=يلوحك هبوب شباط ينقل لك اضراره
يجـي يوم تسمـع كـثر عـذره وتـسويـفـه=ولو ضقـت من ترديـد عــذره وتـكراره
وانا فـاقـدن قلـبن نـهـج مـع خـواطـيفـه=واذا صحت قيل اصبر على العشق واقداره
يـطارد هـنـوفـن صار يـمشـي على كيـفـه=ويرجي ربـيـع الوسـم عـشـبه ونـواره
ولاداج فـي بـالـي تـصـيــده لـواقــيـفــه=مـدام الـسنـه مـن شــوفـة الـزيـن ماداره
الا ويـل مـن مـثلـي عـشيـره شـهـر سيـفه=حـدانـي عـلى الفرقى وانا كارهن ناره
وانـا كـيف افـارق من سـكن بالـحشى طـيفه=وذكراه تـتـبع خـطوتي ويـن ماساره
عيـون اشـقـرن يـنـزل بـعـالي مـشـاريـفـه=تـشـادي درابـيـل المهنـدس ومنـظـاره
شـفـوقـن عـلـى لـطـم الـحـبارى وتـنـتـيـفه=جـليلن يـعرف دروب صيـده ومـعباره
لمـح صيـدتـه وادلـى بحـامـي خـطـاطـيـفـه=وصوفـه مـثـل بارود الاكـوان لاثـاره
يــذيـر الحـباري كـان داجـت بـاطـاريـفـه=هبــيل الـمــلا قـلـبن سكـن عنـد جـزاره
صفـقـها بـخـطـافـن رمـاهـا تـقـل جــيــفـه=وهـذا جزاء الـلي ضايق الشيـخ في داره
وانـا كـيـف افـارق من سبـتـنـي تـواصـيـفـه=مدام الهوى داخل خفى القلب واسراره
سرى مركـبي تـايـه وضاعـت مـجـاديـفــه=بـمركب شـقى مـن جـاه ماترجع اخبـاره
هـزيـم الـرعـد بالـغـيـم تـرهـب رواجـيـفـه=والامواج مع صوت الرعد طالت امـتاره
تـلـوحـه مـن الـغـربـي هـبـايـب عـواصـيفـه=وانـا فـيـه تـايـه تـقـل طـعــمن بسنـاره
اراعـي ابـي شـوف الـضـعـن مـع مـسـالـيفـه=ولاشـفـت بـاطرافـه مـراكـب وبـحاره
سـطـع بارقـه تـسـرق عـيـونـي لـواصـيـفـه=شـعـاعـه تـلاذع كـنهـا الـنـار في واره
بالامـواج تـطـري لـي نـواعـس غـطـاريـفــه=خـدوده كـمـا جــمـرن تـلالا بــجـمـاره
تــذكـرت ضـحـكـتهـا وكـشـخـة نـفـانـيـفــه=وريحـة جسـدها الـلي تقل ريـح عطـاره
تـــذكرتـهـا والــغـيـم تـرمـــي قــواذيــفــه=بـذكراه كــن اصـوات الامــواج قــيــثـاره
نـجـاتـي عـنـودن يـبــهــج الـقـلـب تـشـريـفـه=عيـونـه تـداوي عـاشـقـن ذاق منــشاره
عـشـيـري تـرى الـعـذال تـكــثـر سـوالـيـفــه=وعــذالـنـا يـاطــول دربـه ومــشـواره
تـسـوق الـنـصايـح عـقـب ضـبـطـه وتـصفـيـفـه=وسـم الافـاعي ياغنـاتي مـع اشـواره
تـزيـد الـمـخـاطـر بـالـهـوى لاجـل تـخـويــفـه=وتـصفر علـى قـلب الـهـواوي بصفـاره
دلــيـله هـواجــيس الازيــمــع وتـوقــيــفـــه=وشـكـواه مـن غـيضن بـدرب الهـوى زاره
وشـكـوى الـمـطـوع درب حـبـه وتـكــلـيــفــه=وعـقـبـه وقـع روحـه عـطـيـبـه ومنهاره
وكـنعـان لو حاول عـن الـنـاس تـخــفـيـفـه=جـحيـم الهـوى بـجـفـون عـيـنـه غـدى شاره
وراضي شـكى نـارن بـخـافـي سـراجـيـفــه=ومـن فـوحـهـا يـنــثـر لــنا جــوهـر اشـعاره
واذا كـنت عـازم قـيـد قــلبـي وتـكــتــيــفـــه=رضـيــنـا ودرت بغـربـتـي ويــن مـــاداره
ونـصـبـر عـلـى نـارن كـلـتــنــا رواضـيـفـه=ونـدنـي مـناجـيــبـن سـفـرنـا عـلـى اكـواره
نـجـض خـافـقـي مـن لاهـبـن جـاه فـي صـيفـه=رمانـي طـريـحـن وســط عـبـده وسنجاره
وانـا مـاهـقـيـت انــه تـطــولـه صـواديــفـه=ولاكـنـت احـسب الجـار يـقـسى عـلـى جـاره
سـقـى الـله عـشـيرن كـنت اراجـي هـنى ريفه=تـركـني تحت لاهـوب قـيضـه ومـصهاره[/poem]