أنا وين أبلقى يالاجاويد فاعل خير=حريصٍ على سرّ المحبين لارسَلْته
من اوّل لو أصبر عام مابان بي تأثير=وهالحين حتى الصبر يومين ما أحْتَلْته
أنا مثل صقارٍ تولّع بحب الطير=ولف قلبه فروخ الصواريم وهْبِلْته
تولّعت في فرخٍ قضيبٍ يتل السير=ابي نظرةٍ من لفتة الحر وسْبِلْته
صغيرٍ بسنّه غير عندي ماهو بصغير=يامغلاه في قلبي وياكبر منزِلْته
أجَمِّع سمان الهرج خوفٍ من التقصير=والى جيت ابشرح له كلامي تهيزَلْته
يجيني مِنِه هيبة ، معزّة ، حيا ، تقدير=أقَابِلْه عندي علم وأروح ماقلته