قلت هذه القصيده إسناد للشعراء
ذيب العمودي ومساعد الفداغي
حسب مابينناكنت انتظر ساعه على الميعاد=ولكن ما وصل راع الوعيده حسب ميعاده
تجدد جرح توه والقديمة لا تزال اجداد=جروح ما يداويها الطبيب وتبلش الساده
ترى إخلاف الوعد هالوقت عاده لاهل حرف الضاد= وإذا خالف صديقي مثل غيره هذي العاده
عوا يدهم افري وهرجهم هرجه عجم واكراد= وطربهم من طرب رابح صقر والحان ميّاده
ولهم تاريخ ثاني لاهو الهجري ولا الميلاد=ولهم عشرين عيد وكل واحد عيد ميلاده
ولهم مصدار واضح مير ماشفنا لهم ميراد = ولهم روا د واجد مير ماشفنا لهم راده
ومواترهم كدالك والمصيبه كلها باقصاد = ومع الخط السريع اهل المروه كلهم قاده
من الحره عليهم وديِّ اشكل فصيل اسناد = وابستفزع بذيب الشمري ومساعد عياده
هم اسنادي ليامن ضاقت الدنيا وصار اعناد = يخلون العنيد يصير طوع ويترك اعناده
وابي منهم نصيحه ويش طب المغرم القصاد = ما دامه واضح قصده ولا وصلنه أقصاده
مضى ثلثين من عمره يراقب نشرة الارصاد = ولكن ما لقى عقب انتظاره بالوعد فاده الشاعر>عقيل المنيس
وقد رد الشاعر مساعد عياد الفداغي بهذه القصيده
هلا يامرحبا ترحيبة تاقف على المرصاد= ترصد للقلوب الواعيه في وسط مرصاده
سبب ماهيض النفس العليله والعباد رقاد = شكالي واشتكى للذيب مصداره وميراده
جروح الحب في بعض الظمائر مالهن اضماد = تجرح قلب ابن زيدون والاسباب ولاده
اذا العشقه من اهل الرس و الا من ثمود وعاد = ليا من قلت ياغاده معاك نقول ياغاده
حسب مابيننا كنت انتظر وقفه بلا مقعاد =وعقيل ان كان طالت وقفته مضمون مقعاده
تحاول بي تقصر موجتي يامصطفى العقاد = وانا دمي وعظمي واللحم ملفوف بفواده
بعد ما بشرك عن سيلة الوادي نبأ الرواد = توكل ياصحيبي والمسدس بيدك ازناده
مضىثلثين من عمرك فلاحاسدولاحساد = تغذى من لبن خلفتك وانت بعروة اشداده
توقع لا تسرع وانتبه يامحمد المهاد = ترى ظروف الليالي نوب قايد نوب ****************ه
نيابه عني وعن ذيب والدعوى مهي تعداد = وطعم الشاي طيَّب ما يبي له سكر زياده
ترى الدنيا بها المسلم وفيها الملحد الجحاد = حصيلة ماتعلم واستدل مساعد عياده
وايضا هذا رد الشاعر ذيب العمودي
تفحصنا الكتاب الاولي واللا رسن وقياد = ولانقدر نسابق والحصان مجود قياده
وردوا بالنيابه لجنة الإصلاح والإرشاد = ولكن المقابل ما تقبَّل يسمع إرشاده
سكوت المحترم ماهو تجاهل للامور أبعاد = وحنانعرف اهداف الغرام ونعرف ابعاده
جعل للارض خالقها ثقيلات الجبال اوتاد = ولايمكن يدور الشك بين الآرض وآوتاده
واذا ردي ضروري مرحبا بالفارس المقداد = على جيد القضيه عقد ماس وطوق وقلاده
عذاري خانت العشرات بنزوجهن الآحاد = وإذا زادت حرارة وضعنا نحتاج كمَّاده
عليك إنك تدبرها من الحايك من الحداد = ومن حقق مرادك ياعقيل تحقق مراده
بعصر الميج والميراج توك تركب المنطاد = عقب عامات تعمل عند قبر الميت معاده
تنجد للاثاث المستحيل وتطلب الإنجاد = تفكر كاملين العرف للمعروف جحاده
عفا الله عنك ما تدري تعيش بعالم الاسياد = يصَّورلك تشوف العزمثل حصان طرواده
صعيبه من جديد إيحاك ثوب العز لامن باد= وانا داري بنصف قريش للاصنام عبَّاده
عيون الفقر ما يدخل عليهن للغناة سهاد = ولكنك مصِر تقول للمخطين جلاده
ماهو شرط الموحد يكفل اصحابه عن الإحاد = أبو طالب من اعمام الرسول ومات بإلحاده
رغم هذا وما نحمل من الآحزان والآنكاد = معاكم ضد من عادا لكم والنار وقاده
عليهم نفخت اسرافيل بالآجواز والآفراد = وإذا عّيا يسير الحظ من علباه نقتاده
وإذاما فاد كل الارض رب الركع السجاد = جعلها للرسول المصطفى مسجد وسجاده