الَرِيحْ مَاهَزْ الَجبْال الَشُوَاهِيق

لاضاق صدري قمت اجر الطواريق
مره على المسحوب ومره هجيني
ياكثر عرجاتي ياقل التوافيق
والحظ مامن حظ يالله تعيني
ولاعاد بصدور سواة الصناديق
تشيل همك لاغدتك السنيني
ماعاد به غير العذارى المطافيق
اللي على النمه تحلف اليميني
الريح ماهز الجبال الشواهيق
والذيب مالد النظر في الحصيني
لاصار ماهو محزم حزت الضيق
ولاصار ماهو فالشدايد عويني
ابتركه واعتاظ به في المطاليق
ولاني على فرقاه وشكله حزيني
اخاوي الطيب واكب العلاليق
واللاش مامده ولو طرف عيني
واللي عباته من فعوله مفاتيق
يصبر على ماجاه شينن وزيني
جاتك وصاتي وعمم العلم يابقيق
وعمم على اللي في النظر معتيمني
الريح ماهز الجبال الشواهيق
والذيب مالد النظر في الحصيني

http://www.youtube.com/watch?v=gZ-tgk4tYgo