شعبيات : تقدم لكم الراااااويه احم احم سرحان

[align=center][align=center]بــــــــسم الـلـه الــرحــمــن الــرحــــيـــــم

السلام عليكم ورحمة الله وبركاته .

اااااسعد الله مساااااااكم بالخير جميعاً

وش حالكم جميعا ً اربكم طيبين

اليوم جااايب لكم سالفه غير سالفه بحريه

احم احم طبعاً الرااااوي اخووووكم سرحان

قبل اسبووع تقريباً

كنت ضااايق اشووووي وقاعد افرفر بسيارتي ووواصل حدي مره

البر بعيد حييييييل علي وانا دووووامي اخر لليل فا مايمديني اروووح

وادي العجمان عند حلالنا وارجع لدوااااام << يسوووي دعايه حق مرباعهم

ههههههههههههههههههههههههه

المهم مالكم بالطويله قلت خلني اروح حق البحر سيف البحر قريب عندنا

وجهة موتري ورحت للبحر وقفت الموتر ونزلت وقمت اتمشى على سيف

البحر وكان الجو حلو مره حييييييييييييييييل وانا اتمشى الى وذاااااك

الشااااايب الى جالس حااااط فرشه وعنده معاميل قهوه وشاهي وخير

قلت ياولد ياسرحان روح للشايب هذا وسوالف معه وقند راااسك بالقهوه

ووسع صدرك معه احسلك .

وصارت السوالف معه بعد السلاااام والتحفي والقهوه

صااااار هذا النقااااش :

الشايب : وش جيبك هنا الحين وش عندك

سرحان : والله شفت الجو زين وانا ضااايق خاطري قلت اروح

اتسلى على البحر وشفتك قلت خلني اسولف معك اوسع صدرك ويتوسع

صدري معك

الشايب : الله يسلمك ياولد ي . وش مضيق خاطرك

سرحان : ويسلمك ويعطيك الصحه والعافيه

ابد الله يرحم والديك ضيقة عارضه وتزول

الشايب : يابووك عادك صغير توك لاتشيل الهموم

والدنيا بخير وماتضيق الا على الرخووووم

سرحان: وانت صادق طال عمرك

عاااااااد عم المكان سكوت بيننا

وكلاً يشووووف البحر ونتأمل

وتهيض اخووووكم سرحان وقال


كلاً له ميعاد مع من يوده = وانا ميعادي مع موج الابحار
اقاسي الوعات جزره ومده = ؟؟؟؟؟؟؟؟؟ وتسرحني الافكار

الشايب : الله الله صح الله للسانك

سرحان : صح الله بدنك يابوي

يابه يابو شريده

الشايب : سم يابوك

سرحان : ودي تعطيني سالفه عن الغوووص اول وعن دخولكم البحر

وش لون اول حيااااتكم مع البحر والدنيا

الا والله الى كني طعنته وجهه الشايب تغير وقام يتنهد اه اه اه اه

الشايب : اييييييييييييه يابوك وخرة دمعته

سرحان : لاتواخذني ماكان ودي اقلب عليك الزمان

الشايب : لا يابوووك مايخالف

وش ودك وش تبي من سوالف

سرحان : والله ودي بسالفه مع قصيده عن البحر والغوووص

الشايب : سالفه مع قصيده تبي اييييييييييييييييييييييييييييييه

سرحان : اخذ الشايب يعيد الشريط ويسترسل مع فكره ويرااااااجع ذاكرته

قمت وصبيت له فنجال قهوه وكند راااااسه وقال [/align]

ـــــــــــــــــــــــــــــــــــــ
[align=center]اتركم الان مع الشايب وسالفته :[/align]


[align=center]يابوك كنا زمان يوم الدنيا ضعيفه ندخل البحر

لطلب الرزق حيث الزرق اول يابووووك صعب ولقمة العيش ماتجي

بالساهل مره وانا ابوووك .

كنا نجي للنوخذه راااعي الجلبوت <1>

ونطلب منه ننضم حق بحارته ويعطينا الموعد الى بندخل فيه البحر

وقبل الرحله بيوم او يومين يقوووم النوخذه بتوزيع قلة تمر على البحاره

كأجر للبحار او بعض من الاجر المقدم ليعطيه اهله يتعيشوت منه بغيابه

عنهم لن رحله الغوووص هذي تطول لى اكثر من شهر او شهرين على

الاقل تخيل ياولدي قلة تمر تخلي عند اهلك وتروح عنهم كل هالمده

المهم يابوووووك

اليوم المحدد تجيب افراااشك وحصيرك وتروح مكان التجمع

عشان موعد الرحله .

مالك بالطويله يابوووووك

مره من المراااات الى بندخل فيها للغووووص

جاء رجال ينقاله شرهان الهاجري لم النوخذه وقال

يانوخذه ودي ادخل الغووووص معكم وترزق الله

النوخذه : قال مافيه اخلاف بعد يومين تعال وجيب حصيرك افراااشك معك

يووووم جاااات المده الى والله الهاجري معزم يدخل معنا البحر

دخلنا البحر يابووووك

والبحر توزع المهام على البحاره كلهم

ناااس مهمتهم الشرااااع ونااااس تجديف وناااااس الطبخ ونااااس التنظيف

كلا له مهاااااام يوكل بها .

ايييييييييييييييييييه يابووووك

ابحرنا لين وصلنا المكان الى فيه المحاااار حق الغووووص

بندرنا <2 >

وريحنا شي بسيط

وزهم النوخذه على الهااااجري

النوخذه : هاااااااه ياشرهان انت غيص والا سيب < 3 >

الهاجري : اخوووك يالولد انا سيب انا ياطويل العمر غيص

النوخذه : خير خير ان شاء الله ولم روحك

يابوووووك يوم جاء الوقت الى نغووووص فيها وتجهزنا

وتوكلنا على الله ونزلنا البحر وكان عمق البحر 12 بااااااع

الهاجري كان جبو متين حيييييييل ماقدر يغوووووص كل ماحاول يطلعه

الماء حاول اكثر من مره وماقدر مسكين انه يغوووووص

وقال له النوخذه : انت ماتقدر تغوووص خلك سيب

الهاجري : وعلا مات الحزن عليه تلحق خير سيب سيب

المهم يابوووووووووووك

السيب تعب الهاجري وماقدر

وقال للنوخذه خلني افلق وفتش بالمحار

والمحاااار يابوووك لفتحته علييييه ريحه كريه

والهاجري اتعبته الريحه حييييييييييييييييل

وكنا يابووووك مرااااعين ضرووووفه

ونفزع معه ونهون علييييه ونواااااسيه دااااارت الاياااااام يابووووك

والهاجري كل يوم يتعب فيه اكثر ونحن معه ماخليناه من كل كلمة طيبه

ومواساة نخخف علييييييه

وفي يووووم من الايااااااااااااااام

جاء الهاجري وحنا كلنا مجتمعين للنوخذه وقال

يانوخذانا

ردى النوخذه : سم شرهان


الى هو يابووووووك متهيض بذيك القصيده وقال[/align]

سيف يابن عبيد يازبن الاهدالي = جعل ربي يقرب لابته والدوبليه

جعل شوف البل وشف العوالي = بعد شوف الغوص وارفاية احصيه

مرقد المحار منه ضاق بالي = مخنزاً ريحه يبي نفسا قويه

أضربه بالعود لهب ال ول والي = ودني يم ديرتي والعسلقيه

الى يابووووك

يوم خلااااص عم المكان سكوت ومحدناً تكلم فينا كلنا

اليوووم الثاني اااامر النوخذه : بان نتحرك نغير المكان وابحرنا

حتى وصلنا مدينة : دارين بالقطيف

ونادى النوخذه الهاجري وقال جهز حصيرك

الى يابووووووك

قاااااام الرجال يبكي يبكي

قلنا وش علمك ياشرهان هما انت تبي اهلك

قال انا ابكي اني عرفة ربع رياجيل وبفارقهم خلااااص على طول

يابوووووك

كان يووووم عصيب بكينا كلنا وتعانقنا ويااااااااااه

فرااااااقه يابووووك مر لكن هذي الدنيا .

ولا يومك يابووووك ماعاااااد شفناااااه

هذي سالفه يابووووك والسوالف وااااااجد بس الحين وقت المغرب

برووووح المسجد وان بغيت شي يابووووك تلاقيني هنا نفس الحزه

مع السلاااااااااامه يابوووووك

سرحان : الله لا يهينك يابوشريده ورحم الله والديك مع السلامه [/align] [/color]
ــــــــــــــــــــــــــــــــــــــــــــــــــ ـــــــــــــ

[align=center]الخاتمه

ارجوا ان تنال اعجااااابكم هذي السالفه التى تحكي مره الحياة

سابقا عند اجدادنا

اتمنى انكم قضيتوا وقت ممتعا

لكم من فاااائق التقدير والاحتراااااام

اخووووكم

سرحان [/align]
ــــــــــــــــــــــــــــــــــــــ

[align=center]الجلبوت <1> : هي نوع من انواااع السفن النج


بندرنا <2 > : اي بمعنى وقفنا توقفنا


غيص والا سيب < 3 > : الغيص : هو الذي يغوووص بالبحر ليخرج المحار الولو

السيب : هو الذي يسااااعد الغيص اثنا نزوله بالبحر وخروجه

والغيص طبعا اجره اعلى من السيب[/align]