سلام العشق وحروفه على بيض الورق تنساق
مضامين الغلا اللي مابعد قاومت انا شعـوره
منابعها جوير الصدر والعنوان انـا مشتـاق
ومختومه بدم القلب والمقصـد علـى نـوره
هذاك اللي اهيـم بحبـه وتضلمنـي الاوراق
ليا من جيت اعبر له عن الحب وعن سروره
حبيبي يابعد عمـري عسانـي دايمـاً رواق
واعيشك الحياه الحلوه وتحـلا لـك دبـوره
وانسيك الالم والاه بعذب حـب مـع اشـواق
وتسعد في حياتك دوم وتجني طيـب بـذوره
انا ملتاع في حبك وشوقـي خـدك البـراق
سكنت بداخلي والروح فيك اليـوم مطيـوره
ترا حالي بدون مواصلـك ياقلـب ماينطـاق
حزين وحالته دونك ابـد ماهيـب مسـروره
تعالي ياوفا ايامي ولهفـات الحبـر والسـاق
تعالي يانظر عينـي تـرا منتـي بمعـذوره
تعالي يامنى ايامـي نهيـم بسالفـة عشـاق
تراني حيل محتاجك وعيني فيـك مسحـوره
ابي وصلك وابي قربك وابي حبٍ من الاعماق
وابي انسى معك ضيم الزمان وضلمه وجوره
وابيك تموت في وصلي وتحيي قلب ماقد فاق
وابيك تغرد بوسط القصيـد وتعلـن الثـوره
وابيك تكون وسط القلب حاكم والولا ينسـاق
مناصيرك عيوني والغلا وحـروف منثـوره
حبيبك يرقب لشمسك شروقٍ مابعده اشـراق
وتحلاله سنين العمر ويكسر حاجز الصـوره
فارس الروقي