السلام عليكم ورحمة الله وبركاته
لكم عسى تنال رضاكم:
[align=center][table1="width:95%;border:4px outset red;"][cell="filter:;"]
[align=center] لبيه يامن وحـده اللـي تمنيـت
يااللي علي في كل الاوقات تطري
ولبيه يااللي جيتك كل مـا جيـت
مثل المطر بالقاع والسيل يجـري
ولبيه يااللي كلمتـك لا تحاكيـت
تشفي جروحٍ مزمنه وسط صدري
ولبيه يااللي داخل القلب حطيـت
لك منزلٍ والقلب صعبٍ وعسـري
قلبٍ تعب غيرك يبي داخله بيـت
ما يدري انك ساكن القلب جبـري
ولبيه يااللي كل ما رحت وابطيت
اصير في وضعٍ به الرب يـدري
امشي مع العالم وانا حسبت الميت
كن الخطاوي تتجـه يـم قبـري
واليا دنا جنح الظـلام وتشاويـت
طول النهار وغيبة الشمس بدري
ابعدت عن شوف الخلايق وصديت
من شان ما ينبان للخلق صغـري
وشلون لو في يوم عني تخليـت
واسقيتني كاس القهر طول عمري
ترى سبب موتي ليا من توفيـت
دمي ليا من رحت ماعاد يجـري
[/align][/cell][/table1][/align]
الشاعر/سلطان بن شري