يا عمري اللي راحت احلامه اوهام
............. ان كان ماضمت يمينك يميني
ويا وجدي ان هبت ذعاذيع الانسام
............. من عضة شفاتي وفركة يديني
وجد الصغير اللي دخل دار الايتام
............. من بعد موت امه وابوه السجيني
عليك ياللي صدتك مثل الاعدام
............. من بعدها ما عاد تُحسب سنيني
الامر لله يا هوى حزمة اعوام
............. كانك تبي تنكر غلاي وحنيني
هذا وانا اللي ما سهر لحظه او نام
............. الا وذكرك بين نفسي وبيني
طيفك ملازمني على طول الايام
............. غمضت عيني والا فتحت عيني
كأنه يقول لعيني الدرب قدام
............. من وين ما وجهت وجهي يجيني
ما كان حلمك يشبه اضغاث الاحلام
............. ويروح ما بانت له اثار فيني
ولا كنت رقم وقبلك وبعدك ارقام
............. لكنك الاول بعد والديني
طَيَفّك مَلآزَمّني عَلَى طُولَ آلآيَآمّ .. ||
العرض الشجري
