مساجله بين شاعر الضياغم وشاعر الدهمان
شرهة الطيِّب على الطيِّب مباحه=شرط بحدود الادب دون التنكر
لا تكثر بالعتب و اترك مساحه=تقتنع به انت حيث انه يفكر
والله انك للوفاء قمه وساحه=لا خداع و لا نفاق ولا تكبر
و الرجال اهل الوفاء سبة نجاحه=التسامح و الرضى وايضا التدبر
وانت يامشعل جمعته بالنصاحه=و الكلام اللي عن المعنى يعبر
شاطي مجول الخليل الشمري
.................................................. ..................................................
اللطافه والمرونه والسماحه=والمزاج اللي مهودوم متعكر
والتواضع والتحمل والصراحه=تجعل المخلوق لله ايتذكر
حي راسن جامعن فهم وفصاحه=يابومشعل منك انا حيل امتشكر
اقتحمت الشعرواحكمت اجتياحه=في بيوتٍ كنهن مطعوم سكر
تكتب الجزله وتلبسها وشاحه=من محيطٍ هاج بالشهد المحكّر
شاعر الجزلات والشرد المتاحه=كل متذوّق بقيفانك تفكّر
جامعٍ شعروثقل عقل ورجاحه=يوم بعض الناس تفكيره مهكّر
مشعل عسام الغافل التريباني الشمري في 27/12/1441هجري