][`~*¤!||!¤*~`][ تالي نـهـار ][`~*¤!||!¤*~`][
تالي نهار..وعاتق الشمـس مذبـوح
والوقت لو تدريـن..للوقـت ذبـاح
كن السما..صوتً من الذعر مبحـوح
والليل..خيلٍ سـود للضـي تجتـاح
وسحايبٍ فوق الشفق..كنهـا قـروح
على جبينٍ ما شكى..كثر مـا طـاح
لاذت عصافير المسا..في ذرا الدوح
وتنفس سراج الوهن بيـن الألـواح
حبيبتي..ضاق الفضى ويـن بـاروح
وان رحت..ظلم النفس للنفس ما راح
مجروح..ماهو هم لو قلت مجـروح
يالله عسى ما اصير في قلبك جراح
تبسمي..بـرقٍ علـى ثغـرك يلـوح
بشد له مدام فـي العمـر مـرواح
غزيت وجه الصبح من غير مصلوح
وانكفت..دون الشمس هقوات ورماح
مهندس الكلمه.. بدر بن عبدالمحسن
العرض الشجري
