أنا ويــاك

______
تلاقت عيني بعينه..

من بين كل هالزحام..تلاقت عيني بعينه

من دهشته..عيت خطوته تمشي

وعيت نظرتي تعينه..

نسيت الناس..ونسى نفسه

لساني ماقدر يسأل...قلبه القاسي ماتحمل
جاني متعني سلام...ومن خاطره جاني يبوح بشوق وملام:

حبيبتي نجمة الروح غبتي

ونسيتينا انا وانتي

أنا أدري..جرحتك حيــــــل..أنا غلطان

وحشني قلبك الولهان

من بعدك بقيت روح هايمه بلا انسان

جيتك أحمل في حناياي الندم

اعتذر لك عن كل الم

أبي نرجع انا وانتي__ وسألني حالي شلونه؟__

ياريت اقدر بس انساك

واذا تذكرت الماضي ماالقاك

اه لو تدري وش بقيت..بقيت مطعونه الوجدان

بقيت ابكي على شوقي

ومن جرح طبعته في خفوقي

على لهفه تجمعني انا وياك

كنت تعزني..وكنت أهـــواك

بقت تذرف عيوني شموع..

أضويها بليل الأمس...آآآآه ياليل الامس

ظلامه بدد القصه...قصتنا أنا وياك

او اللي كان عنوانها...انا وياك

تعال يافارس الذكرى

بخيلك دوس على الاشواق

تعال خذ وردتك مني..ورودك كلها اشواك

تعال..نجدد فرحه جروحي

وتتفارق روحك وروحي

تعـــال....

نتقاسم العنوان

انت الحب وانا اللي كان

انت اللحظه وانا الازمان

انت الروح..وانا الانسان

تكـــفى!!

مابي ذكــــراك...
____وقاطعني بصوته المجروح___

خذي عمري قبل لاروح

خذي الفرحه من اشواقي

خذي النشوه..من احداقي

حبيبتي انا اهواك

حبيبتي..

خافقي يحواك

ابي نرجع انا وانتي

انا ابغاك___ دموعي سبقت كلمتي..وقلتها غصب علي ماهو بيدي___

روح ياشيــخ

ابي انساك...