ياساري الليل والهومه هي الهومه
انا احسب اني قضيت وتبت من غيي
حتى رماني رهيف القد بسهومه
رميه وانا وقتها ماني بمتهيي
الزين واجد ولكن شفت منضومه
تضرب جمال الطبيعه ضرب ياخيي
بعيونها الموج والسباح والعومه
والموت بحر الهوى لايفتر ايديي
ان كان شفت القمر محجوب بغيومه
اكيد هي تفتخر وتقول من زيي
امسيت اقيس الفضا واعدد نجومه
من رجف قلبي سمعت الرجف بالحيي
المعتبر لو نظرها تخلف عزومه
شمس الضحى تبتسم في بارد الفيي
بغيت اوصف وضاع الوصف برسومه
من ميسم الشوق تكوي وانجحت كيي
الظبي في طلته والحر في حومه
من فوق اجا وسلمى يابعد حيي
ياشبه صفران لبن عشوان مسيومه
عشرين مليون كاش وعاده معيي
العرض الشجري
