حــــــــــــــــــــــياكــم...
هذي قصيده فكاهيه أعجبتني للشاعـر / كتاب الأمـس ..
وأترككم لتستمتعوا بها....
هـذي قصـة واقعـيـة
فـي منظومـة فكاهيـة
عن شخص ٍ أسمه حمدان
عِيّـن وانقلـوا مكـانـه
******
فرح ٍ فـرح ٍ بالوظيفـة
أثـر البـلا هـو رديفـة
مع جار ٍ عنـده ورعـان
فالشارع بعثـر ورعانـه
******
أحدهـم كبيـر مهـبّـل
شخص ٍمرجـوج ٍوأخبـل
أوذى حمدان ٍ في نومـه
يومه يا خذ لـه قيلولـة
******
عقب العمل جـا تعبـان
الله يعيـنـه بـلـشـان
هـذا منـي مبـدا قولـه
مع نـاس ٍ والله معلولـة
******
يا عالم ويـش السوايـا
مـع عديميـن الربـايـا
حطو باب المنزل مرمـى
ما غير أسمع دحج الكورة
******
ما اقدر أغفي لو دقيقـة
كل ٍ يصرخ مـع فريقـه
ويهاوش ناول يا أعمـى
وش بك تلعب للماصـورة
******
أفز ألهـم مـن منامـي
منهد ٍ حيلـي واعظامـي
أهب يا صويلح يا الهيس
تحذف جـارك بالقـارورة
******
هيـن هيـن يالبربـيـخ
علمك باكر عنـد الشيـخ
يصبح صبحك مثل الظلمى
والكورة عندي محجـورة
******
يا هو حمـدا ن ٍ مقهـور
من هذا الفاشـل والثـور
صالح وصويلـح يكرهـا
لكن مـا لومـه حمـدان
******
دايم دايم يرفـع ضغطـة
يا وجده بس لـو يبطـه
دايم يدرق لـه فالشـارع
وايضا لا جا ( للبـرادة )
******
لكن مـا فـادت الحيلـة
فطين ٍ لـو هـو هبيلـة
فالنحشة داهـي وبـارع
حمدان ٍ حرصه ما فـاده
******
غدا حمدان ٍ بـه شـاره
مـرة قطـع لـه إشـارة
جاه الموتر مسرع مسرع
وإذا بصويلـح يـقـوده
******
تلابخـوا وسـط السكـة
وإذا بالشارع فـي ربكـة
جت الشرطة والإسعـاف
شالوا حمدان ٍ وصويلـح
******
الأول شالـوه الشـرطـة
مخطي يـا والله الورطـة
من يرضي مرجوج الحارة
وانا ما ملك كود مشيلـح
*******
والثانـي نـوّم بالمشفـى
عقب الحادث جعله يشفى
في راسه شـج ٍ وفلقـة
وايضا رض وبعض كسور
******
عقب أيام ٍ جـا حمـدان
يا صالح نبغـى الأمـان
سامحني يا الغالي تكفـى
وفي داري ألعب بالكـورة
******
ما والله أشكيكـم مـرة
يكفي ما جا مـن مضـرة
وعهد ٍ ما نـام الظهريـة
بشارك في لعب الكـورة
******
وهذي قصة من لا يسـأل
عن جاره قبـل لا ينـزل
حيثك مهمى مهمى مهمى
تصبر .. فالعالم مسعورة
أتمنى استمتعتوا وأعجبتكم لطشتي ....