شركة بعد حيي للإنتاج الفني والسينمائي تقدم لمشاهدين تلفزيون بعد حيي الفلم الأول : ( الصرخة ) بطولة منذر – الساري – قراقيش – خوية البران – سهر ونخبة من الفنانين والكومبارس المميزين، الفلم من سيناريو واخراج ( احم ): خوية البران ... متابعة شيقة نتمناها لكم:
الساعه تشير الى 10 ليلاً وكان موعد عشى الحزب البنوتي الشامخ فطلبت قراقيش من دموع الحب تزهم على سهر حتى تتعشى معهن، ولكن كانت المفاجأة سهر مو في غرفتها ولا في أي مكان من جناحها الخاص، سريرها مرتب وشنطتها موجودة، راحت دموع الحب لقراقيش تقول لها الحاصل فطلبت من البنات ان يبحثون عن المشرفة سهر، في كل مكان من القاعدة، ولكن للأسف رجعن البنات يد ورا ويد قدام فشكت قراقيش انو تكون المشرفة سهر قد اختطفت خاصتن بعد الرساله اللي وصلتها من شهر من احد التماسيح المجهولين فيها تهديد صريح بإختطاف ابرز بنات الحزب البنوتي والقضاء عليهن الواحدة تلو الاخرى، بالاضافة فإن اللي اكد على اختطاف سهر هو انها ماتطلع كثير، ودايمن تحب تخطط للقاعدة بإعتبارها المستشارة الاولى للحزب، فطلبت قراقيش من كونترول القاعدة ( عاشقة الليل ) بإعادة شريط الكاميرا المعلقه عند بوابة القاعده، ولمن عادت الشريط اكتشفوا بإن واحد متنكر بزي مرا وحاط باروكه صفرا ويحاول الخروج بسرعه وهو ماسك المشرفه سهر، طبعا قراقيش ثارت وهاجت واعتبرت انو الرقابة في الحزب متسيبه وانها راح اتحاسب الكل بعد ماتنقذ المشرفه سهر، فطلبت قراقيش قائدة الجيش خوية البران تلفونياً ودار الحوار التالي:
قراقيش: ساعة الين تردين على التلفون؟
خوية البران: وش اسوي بو هزاع والعيال هلكوني الا يبغون باشميل وتوهم مخلصين عشى ليه وش اللي صار .؟
قراقيش: اوووووف محدن مغربلنا غير ذا بو هزاع وعياله، المهم سمعي ترى سهر اختطفوها
خوية البران: هاااااااااه؟ ياويلي ويلاه وشلون ومتى ومن اللي خطفها؟
قراقيش: احب اقولك انو رجلك بو هزاع مشارك بالاختطاف وجالس يدعي البراءة قدامك والا وشمعنى اليوم بالذات موجود بالبيت ؟
خوية: ماعليك بكسر راسه المهم الحين ننقذ سهر انا جايه حالاً بالنفود ولا يهمك, سهر لازم تنام اليوم عندنا ولا نخلي منذر وشلته التعبانه تنتصر علينا ...
قراقيش: كفو ياخوية يلا بسرعه تعالي ..
خوية: ابشررررررررررري، مسافة السكه
بعدها اصدرت قراقيش تعميم عسكري بتكثيف التدريب للإستعداد للحرب ضد التماسيح الخايبين، وجلست تفكر بينها وبين نفسها: انا اعلمك يامنذر منهي قراقيش مسوي حالك بطل يالتعبان ارويك وراح تندم على العمله اللي سويتها انت وحزبك اللي ماله داعي، ياربي احفظ سهر وانصرنا على الحزب التمساحي الغاشم... اخ بس اخ لو تطيح بيدي يامنذر كان فرمتك بالمونيلكس بس هين ...
وفي اليوم الثاني نزل خبر في صحيفة بعد حيي اليومية خبر اختطاف المشرفة المميزة سهر وانو هناك مكافئه قدرها مليون دولار بناتي في حال العثور عليها ...
وأول مافتح الساري المستشار الأول والعقل المدبر للحزب التمساحي الجريدة وقرا الخبر مات من الضحك وقال: هيهيهيهيه ولسه انتوا ماشفتوا شي ياحلوات.
ومسك التلفون واتصل على منذر، الشيخ كان نايم
ورد بصعوبه: هلا عمري جوليت
الساري: أي جوليت الله يهداك انا الساري
منذر: اوووه السموحه ها وش تبغى ؟
الساري: اقول ترى نشروا خبر اختطاف سهر اليوم في جريدة بعد حيي ...
منذر: هههههههه يحليلهن اربي شنبي لو لقوها .. وهذي قراقيش وحزبها الفاشل يلعبون بالوقت الضايع ..
الساري: ههههههاي صدقت يالغالي وعساك على القوه عاد اليوم الغدا عندي للإحتفال بالهمناسبه الحلوه
منذر: زين اجل خلني ادوخ زقاره وامخمخ وانت الله لا يهينك عط اوامر للتماسيح بتكثيف التدريبات ....
الساري : طيب يالغلا يلا سلام مؤقت
وفي احد الغرف الباليه في القاعده التمساحيه كانت المشرفه سهر تستغيث، ولكن لا مجيب لانها تحت رقابه مشدده من قبل: الجبلاوي – هزيز – عاشق – ولد القصيد، وكان انين الصمت يتكفل بإعطاءها الاكل والشراب، فكانت ترفض المشرفة سهر الاكل... وبعصبيه قالت سهر: انتوا ماتستحون على وجيهكم انتوا رجال ؟ انتوا مجرد فيران تستقوون علينا وماتدرون بقوتنا وخططنا العقلية العظيمة ... قاطعها انين الصمت: انا مجرد حارس عادي في الحزب التمساحي ولعلمك انا مو راضي على اللي جالسين يسوونه صدقيني ياسهر ..
سهر: يلا ززززززززززين انت تمساح يعني جبان، لو سمحت خلاص اتركني بالحالي حط الاكل ومع السلامه.
انين الصمت: سهر انا لازم اعترفلك بشي هو ليه انا رافض اكون معاهم في التدبير او القتال ارجوك عطيني فرصه
سهر: يلا بسرعه قول اللي عندك
انين الصمت: بصراحة منذر هو اللي خطط يخطفك بمساعدة وتأييد الساري، ولمن رفضت اخطفك من قاعدتكم تعرضت للتعذيب الجسدي والنفسي على يد منذر وجماعته، وبعدها اخطفك امير الذوق ،انا ... انا ياسهر خلاص اعتبر نفسي مجرد هيكل انسان خاصتن بعد ماتبروا مني بنات قبيلتي ومن بينهن خواتي ووالدتي، من كذا ابغاك تعذريني وتراني اتعذب باليوم الف مره بسببهم ... يلا مع السلامه وربي معك
اتأثرت سهر من اللي سمعته من انين الصمت وزاد كرهها لعصابه منذر وحزبه التمساحي الزاحف، ودمعت عويناتها ماتصورت انو الحرب بهذي القوة والشراسه، فغطت الاكل وغمضت عيونها بحزن بالغ وقالت بهمس وهي تناظر الشباك الحديدي: وينكن يابنات وينك ياقراقيش ؟
العرض الشجري
