ياصاحبي خل الطناخة على الدرب
ماعاد به هالوقت انسان مطنوخ
حتى القرايب صاروا اليوم لي غرب
الكل همه يصبح الراس مكموخ
ناس(ن) تعيف السلم وتدور الحرب
نار(ن) توقد بين نافخ ومنفوخ
مافيه علاج(ن)ينفع اليوم للجرب
ولا فيه ثيابن تستر اليوم مصلوخ
كم واحد(ن) ياصاح راسه مخرب
لين انقسمنا بين عقيل وادلــــوخ
وانا حياتي ياعشيري تكهـــــــرب
لاراح هم(ن) عود الهم منسوخ
تبطي ترى يالقلب ماظن تطــرب
بس عدها يالقلب لاتصير مفضوخ
وانت على كل المشاكل مدرب
تحلـــــــها من قبل لايجيني الدوخ
العرض الشجري
