بسم الله الرحمن الرحيم
السلام عليكم ورحمة الله وبركاته
هذي بويتات من نسجي .. أضعها بين أيديكم ..
يارب أنها تعجبكم وتنال على رضاكم ..
نصها :-
[poem=font=",6,black,normal,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]
أي والله يديني ما ودها تفارق يدينك = والعين قامت تذرف سيل الدمع على خده
بعدكم وش بقالي غير أذكر ليالي سنينك = ولا مر طاريكم قام القلب للضلوع يهده
صحيح ما عشت إلا أيام بيني وبينك = لكن تقول عشنا عمرن مرن وحلون جده
قالت أنت بتعيش من دوني والفرح تنينك = ثانيها ظروفي وظروفك لفراقنا بنة سده
قلت إنتي هواي وعلاجي لا جريت ونينك = وإنتي لشرايين دم القلب جزره ومده
وأنتي بهجتي وشجوني مشتاق لحنينك = يوم فقدت الحنان وجار علي الوقت بشده
لا تطرين الفرقا عسى الله لا يهينك = لأني على فرقاكم عز الله ماني قده
أشفق على نشت شعرك وحبةِ وسط جبينك = أخير من كنوز الأرض اللي لتراب مرده
قالت أسمع كلامي وأمسح بكمك دمعة عينك = أنا بنتن مخطوبه والقلب لبعادكم ما وده
هلت دموعي وقالوا لي خاب ظنك وظنينك = ولو هي نزلت على جبال سلمى كان تهده
قلت أسمعي صدى أسمك ورى الضلوع وينك = وعلى فرقاك لجل خطوبتك قلبي مقدر أرده
[/poem]
محبكم / فتى الأسلم ..