ردم غيم الحياء والجو برّد
منات الي يبي دوج الفيافي
مللنا الصيف واخبار التشرّد
ومشاهد كلها عكس العوافي
هذا شعبٍ قتل واخر تمرّد
تموت الناس وتأن الضعافي
وكم اوكم يامنهو تجرّد
يمينه نار واليسرى سوافي
حلى مااحلاك يالروض المورّد
عن اهل المدن ياطيب اعتكافي
هل الجمله تتاجر بالمفرِّد
وهل التفريد تقتات الحوافي
يموت الصدق والكذبه تغرّد
ويأن الجود بكفوف السنافي
هل الفزعات تمقت بالمقرّد
وصارت كنيةٍ لاهل العوافي
متعب بن طواله
العرض الشجري
