بســم اللــه الــرحمــن الــرحـــيم
الســلام علــيكم ورحمــة اللــه وبركـاته
اااااسعد الله مسائكم بالخير
هذي قصيدة الاستاذ الفاضل : عبد الله الزومان
استاذنا وشاعرنا موجووووده بقسم كرسي الاعترااااف
حبيت انقلها لكم بعد الاذن من استاذي
وهي من الدرر ومن شاعر علم
وليس مثلي يقيم قصائد شاعرنا او ينطق بي شفاته بكلمه
اتركم مع القصيده
{{ رحــلة التــاريخ ْ}}
[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
يارحلة التاريخ نحتاج تفسير = فك المشفر والامور الغريبه
ان قلت شاعر : قالت مامن شواعير = وان قلت راهب : والله انه مصيبه
وش عندنا غير القلم والطباشير = يوم افختت يدنا حبال النجيبه
البورصة بانت عليها المخاسير = والليلة الضلما بدأ ينحكيبه
ماهي رواية مسرحية شكسبير = ولاهي طلاسم كاهنٍ شق جيبه
ما بين حد المطرقة ونافخ الكير = صرنا نشوف المخطية والمصيبه
نقضي الليالي متابعة للفوازير = ولا ندري ان بتالي الوقت خيبه
ونرسم خطوط العرض جملة دواوير = للهندسة قانون لازم نجيبه
آخر زمن كله موسيقى وتزمير = صخب يجيب صداع للي بليبه
ان قلت مخطي ما تفيد المعاذير = لا زومعت بيّن جفاه لصحيبه
في صك غفران الذنوب المكابير = في ليلة الغفران يولد نصيبه
لو سادت السادات من دون تحقير = ما كان عنتر من ترايب زبيبه
سكة تعب درب الرجال المشاهير = على بعض ناسٍ دروبه صعيبه
عباس بن فرناس يحاول يطير = واسحق نيوتن حاول انه يجيبه
وكل الدول حطت محطة وتشفير = وكلٍ ينادي للحبيب وحبيبه
من عصر ابن كلثوم وكليب والزير = والسيف والشلفا ودهمٍ عريبه
إلى زمان الفلسفة والاساطير = ومن الوجيه الراضية للكئيبه
ومن حر فوح النار جيتي زمهرير = يا رحلة التاريخ صرتي غريبه
يوم ان بطليموس جاب التصاوير = جراهام بل عبر الاثير يحكيبه
هات البشاير يا زمان التباشير = نوتة لحن على الوتر ينسريبه
صرنا نصدّق في كلام العصافير = وعن رحلة الاطباق لوهي قريبه
من عقب ماني ناجح برخصة السير = قال المثل ارض السوالف خصيبه
جيت ابسولف رحلتي والمعابير = عبرت دجلة مشملٍ بتغريبه
تهب في راسي هبوب ومعاصير = هي تلتجي بي فترةٍ والتجيبه
عود القصب ياما شكى من المناشير = ومن العطش تشكي الغصون الرطيبه
انا بحلمي غير وبواقعي غير = يوم المريض اصبح يداوي طبيبه
ويارحلة التاريخ نحتاج تفسير = يا رحلة التاريخ صرتي غريبه[/poem]
اولا
صح الله لسااااااانك بعداااااد النجوووووم
ياشاعرنا ولاهنت على الجزله
والله انه شرف لنا ووسااام عز
وارجوا منك السمااااح على تطفلي بنقل القصيده
الى هنا بدووون اخذ الاذن المسبق منكم
لك مني التحيه والتقدير والاحترااااام ولك الغلا
ودمت بسعد لا ينتهي
تلميذك الصغير
سرحان