اللغز اللي فات حلته نور الدنيا بجداره وهو امر متوقع لانها
عقب الضحايا تصير مفترسه من كثر اكل اللحوم اي مثل السباع الضواري00
الله يستر على مملوح حايل منها اللي هو انا طبعا000
طبعا اللغز الجديد كالعاده نعطي موال له وهي قصيده عرضه لي بحايل واهلها الغالين:
زيـن الاشـعـار هــاض وجـاب قـيــفـانه=ونـار الاشـعـار مـاتـطـفـي لـهـايـبـها
حــط بـالــقــاف نـارن ثــار بـركــانـه=كـان الاشـعــار مـا لانــت صـعـايـبـها
لا نـوى الـقـاف يضرب خشم نـيــشــانـه=وفي حـشـى الخـصم ماتـبـرى صوايبها
طـيــر يـالـلـي لـحـايـل رف جـنـحـانـه=شـل سـلامـي عــدد ذاري هــبــايـبــهـا
طـيـب حـاتـم سـكـن فـي روس ظـلـعـانه=وطـيــب الاجـواد كـلـه فـي حـقـايـبـها
يـامـنــابـع صخـى حــاتــم وعــنـوانـه=فـي دروب الـفـخــر تـمــشـي ركـايـبـها
يـاربـيـعـن عـلـى ضـيــفـه وجـيــرانه=يـاكـفــوفـن ربـيــعــك فـي سـحـايـبـهـا
تـدعـي الـضـيـف تـال الـلـيـل نـيـرانه=طـول الايـام مـاتـطــفــي شـبــايـبــهـا
انـشـد الـحـرب عـن غــارات فـرسـانه=وعـن سـبــاعـن الـيــا ثـارت حـرايـبـها
وكـل رجـلـن يـصـيـر بـصـف عــدوانه=حــط راسـه تـحــت مـايــل نـصـايـبـها
مـن لـفــاهـا يـبــي جــالـه وجــيــلانـه=يـشـكـي الـويــل لاسـارت كــتــايـبــها
شـوق ريـمـن سـرى عــطـره وريـحـانه=تـسحــر الــروح لا فــلــت ذوايــبــهـا
حـايـل الـمـجـد هــي سـاسـه وعـمــدانه=ومـربـط الـخـيـل فـي حـايـل عـرايـبـها
طـيـبــهـا ورث مـن خـالــه وعــمــانه=ومـجــد الاولاد قـطــف زهـور شـايـبـها
اما اللغز فهو سهل جدا وماهو طويل وحيلكم فيه000
نـور دنـيـا حـلـت اللـغـز ياشيـن الـقـهـر=والـضحـايا سـر الافـكـار مع زرط الصـبـيـب
راسها وسط الصياني يجي حـروة شهر=واقـبلت تمشي على اللغـز مع بابـن عـجـيـب
والنقاوي وقت الاعـياد طاح من السهر=واجـوديـه صـبـح الاعـيـاد ضاعـت بالشعــيب
ويش رجـلـن زوله اقـشر اليا منه ظهر=هو غــثـيـثــن يـكـره الـضـرب عـنوانه قـريب
جت بذكره بعض الامثال مع طول الدهر=لاغــدى شـوفــك لـلاحـبــاب بالـدنـيـا صعـيـب
واهـنـي الـلـي تـبــيــنـي ولا تطـلـب مهر=والعسل نقـضـيـه شـهـريـن فـي قـاعـة قـلـيب
وموعـد قـبـول المعاريض في جال النهر=واهـنـي الـلـي خـذتـنـي وانا الـذيــب الرهـيب