لغز(( تحدي للجميع ))((حله شعلول عساه للنحاب))

اللغز هالمره فيه تحدي للجميع من اولكم الى اخركم واطول مابخيلكم اركبوه00

ماعندي دلع ولا عندي توضيحات ولا تسهيلات لاني جيتكم بنغاله هالمره حيل 000

والموال راح يكون قصيدتي بحايل الحبيبه في حفل رالي هذا العام وهي:

الـمـخـايل بـحـايـل كان عـيـنـك تـخـايل=والـحـمـايـل مسايل ريـفـها عـن مـحـلها
والـفـعــايل دلايل كاسـبــيــن الـنــفــايل=والعــوايل بـحـايل فـي طـوايـل جــبـلها
والجـمـايل شـمـايل نـاقـلـيـن الـثـقـايل=والـمـخـايل مـسـايل سـمـنـها مع عـسلها
والجـزايـل نـوايـل ذابـحـيــن الجــلايل=والمـثــايل فــتـايل فـي خـفــوقـن فـتـلها
والسلايل حـصايل كـبـد مـن جـاه عـايل=والـدغــايل خــمــايل واحــدن مانـزلـها
والهـوايل خـصـايـل مكرمـيـن السـبـايل=والغـلايل شـعـايل مـن وقـع فـي زعـلها
ياجـبـالـن تـذري عـن سـمـوم الـقـوايل=ياكـفــوفــن نـداهــا كالـسـحـايب هـلـلها
طـيـب حـاتـم تـراكـم بالـوقـوت الاوايل=لـيـن غـطـى بحـايـل ظـلـعـها مع سـهلها
ياسباعـن تخـافـق فـي ظـهـور الاصايل=ياربـاعــن وربـي بـالـكـرامـه شـمــلـها
يابـدور اللـيـالي سـتـر سـود الجـدايل=لا تـردت رجـالـن واتـضـح لـك فـشـلـها
يابحــور الـمـكــارم ياورود الـقــبــايل=ياجـديـد الـمـكــارم مـع كـرامة سـمـلـها
ياقـلاع الـفـضــيـلـه ياعــداة الـرذايـل=ياسـعــادة خـفــوقـن بالـكـرامـه دخـلـها
مولـدي وسـط حـايل وادفـنـوني بحـايل=طفل حايل ولا ارضى عقب مـوتي بـدلها

وهذا اللغز الرهيب العجيب القريب البعيد الخرافه والكنافه والقوه والسطوه ضد الجميع000

مـزيـون بقـعـاء قـال ياهـيـه ويـن انـت=مـن يـدعي الساري لـو الـشـرط بريال
اشكي على الساري واقول انت لاهـنـت=شــف لـلـنــقــاوي وابـوضـاري وفـريـال
واقـول يـالـسـاري تـرانـي تـمــكــنــت=وسـويـت لـغـزن لـلـعـرب يـتــعـب الحال
ابـي بـنـيـدر لا طـفـش يـشـرب الكـنـت=ولا شـاف لـغــزي شـال عـشـريـن مـوال
ياويش رجل مـسكـنـه فـي حـشـى بـنـت=والـبـنـت تـسـكـن دوم فـي حـضـن رجـال
والرجل مسكانه بـعـد فـي حـشـى بـنـت=والبـنـت تسكن فـي حـشـى بـنـت ياعـيـال